ന്യൂഡൽഹി: കല്ലുവാതുക്കൽ മദ്യദുരന്ത കേസിലെ മുഖ്യപ്രതി മണിച്ചന്റെ ജയിൽ മോചനത്തിന് ഭാര്യ ഉഷ നൽകിയ ഹർജിയിൽ ബന്ധപ്പെട്ട ഫയൽ 19ന് മുദ്രവച്ച കവറിൽ ഹാജരാക്കാൻ ജയിൽ ഉപദേശക സമിതിയോട് സുപ്രീംകോടതി നിർദ്ദേശിച്ചു. ജീവപര്യന്തം തടവിനു ശിക്ഷിക്കപ്പെട്ട മണിച്ചൻ 20 വർഷം ശിക്ഷ പൂർത്തിയാക്കി ഇപ്പോൾ നെട്ടുകാൽത്തേരി തുറന്ന ജയിലിലാണ്.

മണിച്ചന്റെ മോചനത്തിൽ നാലു മാസത്തിനകം തീരുമാനമെടുക്കാൻ ഫെബ്രുവരിയിൽ സംസ്ഥാന സർക്കാരിനോട് സുപ്രീംകോടതി നിർദ്ദേശിച്ചിരുന്നു. ഇനിയും കാലതാസമുണ്ടായാൽ ജാമ്യം അനുവദിച്ച് ഇടക്കാല ഉത്തരവ് ഇറക്കേണ്ടി വരുമെന്നും കോടതി വ്യക്തമാക്കി.

മണിച്ചന്റെ മോചനത്തിനുള്ള മന്ത്രിസഭാ ശുപാർശ ഉത്തരവാദപ്പെട്ട ഭരണഘടനാസ്ഥാപനത്തിന്റെ (ഗവർണറുടെ) പരിഗണനയിലാണെന്ന് സർക്കാർ കോടതിയെ അറിയിച്ചു. മോചനവുമായി ബന്ധപ്പെട്ട് സർക്കാർ മുദ്രവച്ച കവറിൽ നൽകിയ വിവരം സ്വീകരിക്കാൻ കഴിഞ്ഞ തവണത്തെപ്പോലെ ഇന്നലെയും കോടതി വിസമ്മതിച്ചു. കഴിഞ്ഞ തവണ ഹർജി പരിഗണിച്ചപ്പോൾ സത്യവാങ്മൂലമായി നൽകാനാണ് നിർദ്ദേശിച്ചിരുന്നത്.

ഇന്നലെ വിവരങ്ങൾ നൽകാൻ ശ്രമിക്കേ സ്വീകരിക്കരുതെന്ന് മണിച്ചന്റെ ഭാര്യ ഉഷയ്ക്കു വേണ്ടി ഹാജരായ അഭിഭാഷകൻ ആവശ്യപ്പെട്ടു. വകുപ്പ് തലവനു പകരം ജോയിന്റ് സെക്രട്ടറി റാങ്കിലുള്ള ഉദ്യോഗസ്ഥന്റേതാണ് അപേക്ഷയെന്നും ബോധിപ്പിച്ചു.

എന്നാൽ, വിവരങ്ങൾ കോടതി പരിശോധിച്ചാൽ ഹർജിക്കാരുടെ പരാതിയിലുൾപ്പെടെ തീരുമാനമാകുമെന്ന് സ്റ്റാൻഡിംഗ്‌ കോൺസൽ ഹർഷദ് ഹമീദ് കോടതിയിൽ വ്യക്തമാക്കി. എന്നിട്ടും പരിശോധിക്കാൻ കോടതി തയ്യാറായില്ല.

മ​ണി​ച്ച​ന്റെ​ ​മോ​ച​നം:
ഗ​വ​ർ​ണ​ർ​ ​നി​യ​മോ​പ​ദേ​ശം​ ​തേ​ടും

തി​രു​വ​ന​ന്ത​പു​രം​:​ ​ക​ല്ലു​വാ​തു​ക്ക​ൽ​ ​മ​ദ്യ​ദു​ര​ന്ത​ക്കേ​സി​ലെ​ ​മു​ഖ്യ​പ്ര​തി​ ​മ​ണി​ച്ച​നെ​ ​ജ​യി​ലി​ൽ​ ​നി​ന്ന് ​മോ​ചി​പ്പി​പ്പി​ക്ക​ണ​മെ​ന്ന​ ​സ​ർ​ക്കാ​ർ​ ​ശു​പാ​ർ​ശ​യി​ൽ​ ​ഗ​വ​ർ​ണ​ർ​ ​നി​യ​മോ​പ​ദേ​ശം​ ​തേ​ടും.​ ​ശു​പാ​ർ​ശ​യി​ൽ​ ​മൂ​ന്നാ​ഴ്ച​യാ​യി​ട്ടും​ ​ഗ​വ​ർ​ണ​ർ​ ​അം​ഗീ​കാ​രം​ ​ന​ൽ​കി​യി​ട്ടി​ല്ല.​ ​മ​ണി​ച്ച​ൻ​ 20​ ​വ​ർ​ഷ​ത്തെ​ ​ത​ട​വ് ​പൂ​ർ​ത്തി​യാ​ക്കി​യെ​ന്ന് ​ചൂ​ണ്ടി​ക്കാ​ട്ടി​യാ​ണ് ​വി​ട്ട​യ​യ്ക്കാ​ൻ​ ​തീ​രു​മാ​നി​ച്ച​ത്.​ ​മ​ണി​ച്ച​ന​ട​ക്കം​ ​വി​വി​ധ​ ​കേ​സു​ക​ളി​ൽ​പ്പെ​ട്ട​ 33​ ​പേ​രു​ടെ​ ​ശി​ക്ഷ​ ​ഇ​ള​വു​ചെ​യ്ത് ​ജ​യി​ൽ​ ​മോ​ചി​ത​രാ​ക്കാ​നാ​ണ് ​മ​ന്ത്രി​സ​ഭാ​ ​തീ​രു​മാ​നം.​ ​മ​ണി​ച്ച​ന്റെ​ ​സ​ഹോ​ദ​ര​ങ്ങ​ളാ​യ​ ​കൊ​ച്ച​നി,​ ​മ​ണി​ക​ണ്ഠ​ൻ​ ​എ​ന്നി​വ​ർ​ക്ക് ​ശി​ക്ഷാ​ ​ഇ​ള​വ് ​ന​ൽ​കി​ ​ക​ഴി​ഞ്ഞ​വ​ർ​ഷം​ ​വി​ട്ട​യ​ച്ചി​രു​ന്നു.​ ​മ​ണി​ച്ച​ൻ​ ​തു​റ​ന്ന​ ​ജ​യി​ലി​ൽ​ ​ന​ല്ല​ന​ട​പ്പി​ൽ​ ​ക​ഴി​ഞ്ഞു​വ​രി​ക​യാ​ണ്.​ ​മ​ണി​ച്ച​ന്റെ​ ​മോ​ച​നം​ ​അ​ട്ടി​മ​റി​ക്കാ​നു​ള്ള​ ​ചി​ല​ ​കേ​ന്ദ്ര​ങ്ങ​ളു​ടെ​ ​ശ്ര​മ​മാ​ണ് ​തീ​രു​മാ​നം​ ​വൈ​കു​ന്ന​തി​ന് ​പി​ന്നി​ലെ​ന്നും​ ​ആ​രോ​പ​ണം​ ​ഉ​യ​ർ​ന്നി​ട്ടു​ണ്ട്.