തിരുവനന്തപുരം: നടപടി ക്രമങ്ങൾ പാലിക്കാത്തതിനാൽ സംസ്ഥാന ശിശുക്ഷേമ സമിതിയുടെ ഭരണസമിതി തിരഞ്ഞെടുപ്പ് ഹൈക്കോടതി റദ്ദാക്കിയതിനാൽ അഡ‌്മിനിസ്ട്രേറ്റർ ഭരണം ഏർപ്പെടുത്തും. കോടതി വിധിയോടെ ഡി.വൈ.എഫ്.ഐ നേതാവ് ജെ.എസ് ഷിജുഖാൻ ജനറൽ സെക്രട്ടറിയായ ഏഴംഗ ഭരണസമിതി അസാധുവായതിനെ തുടർന്നാണിത്. മൂന്നുമാസത്തിനുള്ളിൽ പുതിയ തിരഞ്ഞെടുപ്പ് നടത്തണമെന്നാണ് കോടതി ഉത്തരവ്. അതുവരെ അഡ്മിനിസ്ട്രേറ്റർ ഭരണത്തിലായിരിക്കും. ഹൈക്കോടതി വിധിക്കെതിരെ ഭരണ സമിതി അംഗങ്ങൾ അപ്പീൽ നൽകുമെന്നും സൂചനയുണ്ട്.