ന്യൂഡൽഹി: രാജ്യത്തുടനീളമുള്ള 2065 ഒഴിവുകളിലേക്കുള്ള സ്റ്റാഫ് സെലക്ഷൻ കമ്മിഷൻ (എസ്.എസ്.സി) നിയമനത്തിന് ( X/ 2022) ssc.nic.in വെബ്സൈറ്റിലൂടെ അപേക്ഷിക്കാം. അപേക്ഷിക്കേണ്ട അവസാന തീയതി ജൂൺ 13 ഉം ഓൺലൈനായി ഫീസ് അടക്കേണ്ട അവസാന തീയതി ജൂൺ 15 ഉം ആണ്. നൂറുരൂപയാണ് ഫീസ്. വിശദവിവരങ്ങൾ വെബ്സൈറ്റിൽ. വിവിധ മന്ത്രാലയങ്ങൾ / വകുപ്പുകൾ / ഓർഗനൈസേഷനുകൾ എന്നിവയിലേക്കാണ് നിയമനം. സ്റ്റാഫ് സെലക്ഷൻ കമ്മീഷന്റെ 9 റീജിയണൽ ഓഫീസുകൾക്ക് കീഴിലാണ് പരീക്ഷ.
ഐ.ടി കമ്പനികളിലേക്ക്
പ്ളേസ്മെന്റ് ഡ്രൈവ്
തിരുവനന്തപുരം: കേരള യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻസ് ആന്റ് ഗൈഡൻസിലുള്ള കേന്ദ്ര സംസ്ഥാന സർക്കാരിന്റെ സംയുക്ത സംരംഭമായ മോഡൽ കരിയർ സെന്റർ 27ന് രാവിലെ 10ന് സൗജന്യ പ്ലേസ്മെന്റ് ഡ്രൈവ് നടത്തും. അർമിയ സിസ്റ്റംസ്, ഇൻഫോപാർക്ക്,കൊച്ചി ആന്റ് ട്രിനിറ്റി, ഇൻഫോപാർക്ക്, സ്കിൽ വർക്സ് എന്നീ ഐ.ടി സ്ഥാപനങ്ങളിലേക്ക് ബി ടെക്ക്, എംടെക്, ബി.ഇ, ബി.സി.എ, എം.സി.എ, ഡിഗ്രി,പി.ജി യോഗ്യതയുള്ളവർക്ക് 453 ഒഴിവുകളിലേക്കാണ് പ്ളേസ്മെന്റ് ഡ്രൈവ്.
എൻട്രൻസ് കമ്മിഷണറേറ്റിൽ ഡെപ്യൂട്ടേഷൻ നിയമനം
തിരുവനന്തപുരം: എൻട്രൻസ് കമ്മിഷണറേറ്റിൽ ജോയിന്റ് കമ്മിഷണർ (അക്കാഡമിക്), പ്രോഗ്രാമിംഗ് ഓഫീസർ, ഇൻഫർമേഷൻ ഓഫീസർ തസ്തികകളിൽ ഡെപ്യൂട്ടേഷൻ നിയമനം നടത്തും. 31നകം അപേക്ഷിക്കണം. വിശദാംശങ്ങൾക്ക് www.cee-kerala.org
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |