തിരുവനന്തപുരം: ഇക്കുറി എസ്.എസ്.എൽ.സി പരീക്ഷയിൽ എല്ലാ ജില്ലകളും നേടിയത് റെക്കോഡ് വിജയം. 14 ജില്ലകളിൽ 13ലും 99 ശതമാനത്തിൽ മുകളിലാണ് വിജയം. 99.85 ശതമാനം വിദ്യാർത്ഥികൾ വിജയിച്ച കണ്ണൂരാണ് വിജയശതമാനത്തിൽ മുന്നിൽ. വയനാടാണ് പിന്നിൽ,​ വിജയശതമാനം 98.13. മറ്റു ജില്ലകളിലെ വിജയശതമാനം: തിരുവനന്തപുരം 99.16, കൊല്ലം 99.25, പത്തനംതിട്ട 99.73, ആലപ്പുഴ99.77, കോട്ടയം 99.75, ഇടുക്കി 99.38, എറണാകുളം 99.8, തൃശൂർ 99.31, പാലക്കാട് 99.35, മലപ്പുറം 99.39, കോഴിക്കോട് 99.68, കാസർകോട് 99.74.