തിരുവനന്തപുരം : എസ്.എൻ.ഡി.പി യോഗത്തിന്റെയും, എസ്.എൻ ട്രസ്റ്റിന്റെയും ധന്യ സാരഥ്യത്തിന്റെ രജതജൂബിലി ആഘോഷിക്കുന്ന വെള്ളാപ്പള്ളി നടേശന് യോഗത്തിന്റെ യു.എ.ഇ യിലെ 8 യൂണിയനുകളുടെയും 110 ശാഖകളുടെയും ആദരം സെൻട്രൽ കമ്മിറ്റി ചെയർമാൻ
എം.കെ .രാജനും വൈസ് ചെയർമാൻ പ്രസാദ് ശ്രീധരൻ പ്രസാദും ചേർന്ന് കണിച്ചുകുളങ്ങരയിലെ വസതിയിലെത്തി അർപ്പിച്ചു.പ്രശസ്തി ഫലകം നല്കി ആദരിച്ചു.
രജതജൂബിലി ആഘോഷങ്ങളോടനുബന്ധിച്ച് നടത്തുന്ന ജീവകാരുണ്യ പ്രവർത്തനങ്ങൾക്ക് യു. എ. ഇ യിൽ 20 വർഷം പൂർത്തിയാക്കിയ യോഗം ( സേവനം) യു.എ.ഇ ഒരു കോടി രൂപ നല്കുമെന്ന് ചെയർമാൻ എം.കെ.രാജൻ അറിയിച്ചു. കാലഘട്ടത്തിന്റെ വെല്ലുവിളികൾ ഏറ്റെടുത്ത് കേരളത്തിനകത്തും പുറത്തും വിദേശ രാജ്യങ്ങളിലും യോഗത്തിന്റെ സംഘടനാ ചട്ടക്കൂട് വ്യാപിപ്പിക്കാൻ വെള്ളാപ്പള്ളിക്ക് കഴിഞ്ഞു. ശക്തനായ നേതാവിന്റെ ശക്തമായ പിന്തുണയിലാണ് യു..എ. ഇ യിൽ ശക്തമായ സാന്നിധ്യമായി യോഗം ( സേവനം) യു.എ.ഇ പ്രവർത്തിക്കുന്നത്. ഗുരുകൃപയോടെ ഇനിയും ദീർഘകാലം സംഘടനയെ നയിക്കാൻ വെള്ളാപ്പള്ളിക്ക് കഴിയട്ടെയെന്ന് എം.കെ.രാജൻ ആശംസിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |