കൊച്ചി: കോട്ടയത്തെ 'കപ്പിൾ സ്വാപ്പിംഗ് ', 'വൈഫ് സ്വാപ്പിംഗ് ' സംഭവങ്ങളിൽ ഡി.ജി.പിയുടെ മേൽനോട്ടത്തിൽ ഉന്നതതല അന്വേഷണം നടത്താൻ സംസ്ഥാന വനിതാ കമ്മിഷൻ നിർദ്ദേശിച്ചു. സ്ത്രീകളുടെ അന്തസ്സിനും ജീവിതത്തിനും ഹാനികരമായ രീതിയിൽ പ്രവർത്തിച്ച സംഘങ്ങളെക്കുറിച്ചുള്ള മുഴുവൻ വിവരങ്ങളും പുറത്തുകൊണ്ടുവരണം. സാമൂഹികക്രമത്തെ തകിടംമറിക്കുന്ന ദുഷ്പ്രവണതകൾ സമൂഹത്തിൽ ഉണ്ടാകുന്നത് ആശങ്കപ്പെടുത്തുന്നതാണെന്നും കമ്മിഷൻ അദ്ധ്യക്ഷ അഡ്വ. പി. സതീദേവി പറഞ്ഞു.