കോട്ടയം: ഉമ്മൻചാണ്ടിയുടെ തട്ടകമായ കോട്ടയത്ത് പുതിയ ഡി.സി.സി അദ്ധ്യക്ഷൻ നാട്ടകം സുരേഷിന്റെ സ്ഥാനാരോഹണച്ചടങ്ങ് കോൺഗ്രസ് ഔദ്യോഗിക നേതൃത്വത്തിനെതിരായ എ,ഐ ഗ്രൂപ്പുകളുടെ വെല്ലുവിളി ഉയർത്തലായി.

പാർട്ടി നേതൃത്വത്തിനെതിരെ രമേശ് ചെന്നിത്തല പൊട്ടിത്തെറിച്ചു. കെ.സി. ജോസഫും രൂക്ഷ വിമർശനമുയർത്തി. എ ഗ്രൂപ്പിൽ നിന്നകന്ന തിരുവഞ്ചൂർ രാധാകൃഷ്ണനാകട്ടെ, വിവാദ പരാമർശനത്തിനൊരുങ്ങിയില്ല. ഉമ്മൻചാണ്ടിയുടെ അസാന്നിദ്ധ്യവും ശ്രദ്ധേയമായി.

'കോൺഗ്രസിനെ കേരളത്തിൽ തിരികെ കൊണ്ടുവന്നത് ഞാനും ഉമ്മൻ ചാണ്ടിയും ചേർന്നാണ്. എന്നോടൊന്നും ആലോചിക്കേണ്ട. ഞാനീ പാർട്ടിയിലെ നാലണ മെമ്പറാണിപ്പോൾ. ഉമ്മൻചാണ്ടി എ.ഐ.സി.സി ജനറൽ സെക്രട്ടറിയും, വർക്കിംഗ് കമ്മിറ്റി അംഗവുമാണ്. അദ്ദേഹത്തോട് ആലോചിക്കേണ്ട ബാദ്ധ്യത എല്ലാവർക്കുമുണ്ട്. കേരളത്തിലെ മുഴുവൻ പ്രവർത്തകരുടെയും വികാരമായ ഉമ്മൻചാണ്ടിയെ മാറ്റി നിറുത്തരുത്. ഇത് റിലേ മത്സരമൊന്നുമല്ല. കെ. കരുണാകരനും മുരളീധരനും കോൺഗ്രസ് വിട്ടുപോയ സമയത്താണ് ഞാൻ കെ.പി.സി.സി പ്രസിഡന്റാകുന്നത്. അന്ന് ഉമ്മൻചാണ്ടി പാർലമെന്ററി പാർട്ടി നേതാവാണ്. 17 വർഷം ഒന്നിച്ചിരുന്നപ്പോൾ മൂന്ന് പാർലമെന്റ് തിരഞ്ഞെടുപ്പിലും, ഒരു നിയമസഭാ തിരഞ്ഞെടുപ്പിലും 5 നിയമസഭാ ഉപതിരഞ്ഞെടുപ്പിലും കോൺഗ്രസ് വിജയിച്ചു. പാർട്ടി വിട്ടുപോയ ലീഡറെയും മുരളീധരനെയും തിരികെ കൊണ്ടുവന്നു. അന്നാരോടും ഞങ്ങൾ ധാർഷ്ട്യം കാണിച്ചില്ല. വ്യക്തിപരമായ ഇഷ്ടാനിഷ്ടങ്ങൾക്കപ്പുറം പാർട്ടി താത്പര്യത്തിനാണ് പ്രാധാന്യം നൽകിയത് '- ചെന്നിത്തല പറഞ്ഞു.

താൻ മുതിർന്ന നേതാവാണെന്ന കെ.സുധാകരന്റെ പരാമർശത്തെയും ,പാർട്ടിയിലെ അച്ചടക്ക നടപടികളെയും ചെന്നിത്തല പരിഹസിച്ചു. 'ഞാൻ മുതിർന്ന നേതാവല്ല. 63 വയസാകുന്നതേയുള്ളൂ 74 ഉം 75ഉം വയസുള്ളവർ എന്നെ മാറ്റി നിറുത്താൻ നോക്കുന്നു.പാർട്ടി അച്ചടക്കത്തെപ്പറ്റി ഇപ്പോൾ ചിലർ പറയുന്നത് കേൾക്കുമ്പോൾ വലിയ സന്തോഷമാണ്. മുൻകാലപ്രാബല്യത്തോടെയാണ് അച്ചടക്കമെങ്കിൽ എത്ര പേർ പാർട്ടിയിലുണ്ടാകുമായിരുന്നു ?-ചെന്നിത്തല ചോദിച്ചു.

 ഇരട്ടത്താപ്പെന്ന് കെ.സി. ജോസഫ്

പ്രതിപക്ഷ നേതാവായി മികച്ച പ്രവർത്തനം നടത്തിയിട്ടും, തിരഞ്ഞെടുപ്പ് കഴിഞ്ഞപ്പോൾ ചെന്നിത്തല പലർക്കും ആരുമല്ലാതായെന്ന് കെ.സി.ജോസഫ് പറഞ്ഞു.പിണറായി സർക്കാരിനെ മുൾമുനയിൽ നിറുത്തിയ നേതാവാണ് ചെന്നിത്തല. ഉമ്മൻ ചാണ്ടിയും ചെന്നിത്തലയും പാർട്ടി വിടണമെന്ന് പറഞ്ഞ രാജ്‌മോഹൻ ഉണ്ണിത്താനോട് വിശദീകരണം ചോദിച്ചില്ല. അച്ചടക്കം വൺ വേ ട്രാഫിക് ആകരുത്. ഉമ്മൻചാണ്ടിക്കെതിരെ സമൂഹമാദ്ധ്യമങ്ങളിൽ ബോധപൂർവമായ ആക്രമണമുണ്ടായി. ശത്രുക്കളല്ല, പണം കൊടുത്ത് ചിലരുടെ ഏജന്റുമാർ നടത്തിയ ആക്രമണമാണ്. ഇതിനെ പാർട്ടി എതിർത്തില്ല. ആർക്കെതിരെയും വിശദീകരണം ചോദിച്ചില്ലെന്നും അദ്ദേഹം കുറ്റപ്പെടുത്തി.

 ചെ​ന്നി​ത്ത​ല​യെ​ ​ത​ള്ളി​ ​പി.​ടി.​ ​തോ​മ​സ്

​ഉ​മ്മ​ൻ​ചാ​ണ്ടി​യെ​ ​അ​വ​ഗ​ണി​ക്കു​ന്നു​വെ​ന്ന​ ​ര​മേ​ശ് ​ചെ​ന്നി​ത്ത​ല​യു​ടെ​ ​പ്ര​സ്താ​വ​ന​ ​അ​ടി​സ്ഥാ​ന​ര​ഹി​ത​മാ​ണെ​ന്ന് ​കെ.​പി.​സി.​സി​ ​വ​ർ​ക്കിം​ഗ് ​പ്ര​സി​ഡ​ന്റ് ​പി.​ടി.​ ​തോ​മ​സ് ​എം.​എ​ൽ.​എ​ ​പ​റ​ഞ്ഞു.​ ​ഒ​രു​ ​നേ​താ​വി​നെ​യും​ ​അ​വ​ഗ​ണി​ക്കി​ല്ലെ​ന്ന് ​കെ.​പി.​സി.​സി​ ​പ്ര​സ​‌ി​ഡ​ന്റ് ​വ്യ​ക്ത​മാ​ക്കി​യി​ട്ടു​ണ്ട്.​ ​ഡി.​സി.​സി​ ​അ​ദ്ധ്യ​ക്ഷ​ന്മാ​രു​ടെ​ ​നി​യ​മ​നം​ ​സം​ബ​ന്ധി​ച്ച് ​എ​ന്തെ​ങ്കി​ലും​ ​പ്ര​ശ്ന​ങ്ങ​ൾ​ ​അ​വ​ശേ​ഷി​ക്കു​ന്നു​ണ്ടെ​ങ്കി​ൽ​ ​അ​ദ്ദേ​ഹം​ ​നേ​താ​ക്ക​ളു​മാ​യി​ ​ച​ർ​ച്ച​ ​ചെ​യ്ത് ​പ​രി​ഹ​രി​ക്കും.​ ​ച​ർ​ച്ച​ ​ചെ​യ്താ​ൽ​ ​പ​രി​ഹ​രി​ക്ക​പ്പെ​ടാ​ത്ത​ ​ഒ​രു​ ​വി​ഷ​യ​വും​ ​കേ​ര​ള​ത്തി​ലി​ല്ല.​ ​ഇ​തു​സം​ബ​ന്ധി​ച്ച​ ​പ​ര​സ്യ​ ​വി​വാ​ദ​ത്തി​ന് ​ഈ​ ​ഘ​ട്ട​ത്തി​ൽ​ ​ആ​രും​ ​ത​യ്യാ​റ​ല്ല.​ ​അ​ങ്ങ​നെ​യൊ​രു​ ​തീ​രു​മാ​നം​ ​കെ.​പി.​സി.​സി​ ​എ​ടു​ത്തി​ട്ടു​ണ്ട്.​ ​പ്ര​ശ്ന​ങ്ങ​ളൊ​ന്നും​ ​കേ​ര​ള​ത്തി​ലെ​ ​കോ​ൺ​ഗ്ര​സി​ലു​ണ്ടാ​കി​ല്ല.

.