കൊച്ചി: പോത്താനിക്കാട് 16 വയസുകാരി പീഡനത്തിനിരയായ സംഭവത്തിലെ പ്രതികളായ കോൺഗ്രസ് പ്രവർത്തകരെ മാത്യു കുഴൽനാടൻ എം.എൽ.എ സംരക്ഷിക്കുന്നുവെന്ന് ഡി.വൈ.എഫ്.ഐ സംസ്ഥാന പ്രസിഡന്റ് എസ്. സതീഷ് ആരോപിച്ചു. രണ്ടാംപ്രതിയായ യൂത്ത്കോൺഗ്രസ് നേതാവിന്റെ വക്കാലത്ത് എം.എൽ.എ ഏറ്റെടുത്തത് ലജ്ജാകരമാണ്. എം.എൽ.എ ആ സ്ഥാനത്ത് തുടരാൻ അർഹനല്ല. പെൺകുട്ടിക്ക് തുടർപഠനത്തിന് ആവശ്യമായ എല്ലാ സഹായങ്ങളും ഡി.വൈ.എഫ്.ഐ നൽകും. എം.എൽ.എയുടേത് കോൺഗ്രസ് നിലപാടാണോ എന്ന് പ്രതിപക്ഷ നേതാവ് വി.ഡി. സതീശനും ഷാഫി പറമ്പിൽ എം.എൽ.എയും വ്യക്തമാക്കണം. വരുംദിവസങ്ങളിൽ ശക്തമായ സമരം സംഘടിപ്പിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |