മലപ്പുറം: എം.എസ്.എഫ് നേതൃത്വത്തിനെതിരെ ലൈംഗികാധിക്ഷേപം ഉന്നയിച്ച ഹരിത സംസ്ഥാന കമ്മിറ്റിയെ മുസ്ലിം ലീഗ് പിരിച്ചുവിട്ടു. ഗുരുതരമായ അച്ചടക്കലംഘനം ചൂണ്ടിക്കാട്ടിയാണ് ഇന്നലെ മലപ്പുറത്ത് ചേർന്ന ലീഗ് ഉന്നതാധികാര സമിതിയുടെ നടപടി. വനിതാ കമ്മിഷന് നൽകിയ ലൈംഗികാധിക്ഷേപ പരാതി പിൻവലിക്കണമെന്ന ആവശ്യം അംഗീകരിക്കാത്തതാണ് കടുത്ത നടപടിക്ക് വഴിവച്ചത്. ഹരിതയുടെ പുതിയ കമ്മിറ്റി ഉടൻ പ്രഖ്യാപിച്ച് സ്ത്രീവിരുദ്ധ പാർട്ടിയെന്ന ആരോപണങ്ങളെ പ്രതിരോധിക്കാനാണ് ലീഗിന്റെ തീരുമാനം.

പാർട്ടിയുടെ തീരുമാനത്തിന് വഴങ്ങാത്ത കമ്മിറ്റിയുമായി മുന്നോട്ടുപോകാനാവില്ലെന്ന് ലീഗ് സംസ്ഥാന ജനറൽ സെക്രട്ടറി പി.എം.എ. സലാം പറഞ്ഞു. അതേസമയം,​ പിരിച്ചുവിടലിനെതിരെ കോടതിയെ സമീപിക്കാനാണ് ഹരിത അംഗങ്ങളുടെ തീരുമാനം. ലൈംഗികാധിക്ഷേപ പരാതിയുടെ പേരിൽ പിരിച്ചുവിട്ടെന്നും ഹരിതയുടെ നിയമാവലി പ്രകാരം ലീഗ് ഉന്നതാധികാര സമിതിക്ക് ഇതിനുള്ള അധികാരമില്ലെന്നും നടപടിക്ക് മുമ്പ് വിശദീകരണം ചോദിച്ചില്ലെന്നും ചൂണ്ടിക്കാട്ടും.

വനിതാ കമ്മിഷനിൽ നൽകിയ പരാതിയിൽ കോഴിക്കോട്ടെ സിറ്റിംഗിന് ഹാജരാവും. പൊലീസ് അന്വേഷണവുമായി സഹകരിക്കും. വാദി പ്രതിയായെന്നും നീതിക്കായി ഏതറ്റംവരെയും പോകണമെന്നുമുള്ള വികാരത്തിലാണ് ഹരിത നേതാക്കൾ.

എം.എസ്.എഫ് സംസ്ഥാന പ്രസിഡന്റ് പി.കെ. നവാസ്, മലപ്പുറം ജില്ലാ പ്രസിഡന്റ് കബീർ മുതുപറമ്പ്, ജില്ല ജനറൽ സെക്രട്ടറി വി. അബ്ദുൾ വഹാബ് എന്നിവർ സ്ത്രീവിരുദ്ധ പരാമർശം നടത്തിയെന്നും പലതവണ പരാതിപ്പെട്ടിട്ടും ലീഗ് നടപടിയെടുത്തില്ലെന്നും ചൂണ്ടിക്കാട്ടിയാണ് ഹരിത സംസ്ഥാനകമ്മിറ്റിയിലെ പത്തംഗങ്ങൾ വനിതാ കമ്മിഷനെ സമീപിച്ചത്.

ചർച്ചകൾ കരകണ്ടില്ല

വനിതാ കമ്മിഷന് ഹരിത പരാതി നൽകിയതിനു പിന്നാലെ ലീഗ് നേതൃത്വം നടത്തിയ മാരത്തോൺ ചർച്ചകളിലും എം.എസ്.എഫ് നേതാക്കൾക്കെതിരെ നടപടി വേണമെന്ന ആവശ്യത്തിൽ ഹരിത ഉറച്ചുനിന്നു. ഇതോടെ വിവാദം പൊതുസമൂഹത്തിലേക്ക് എത്തിച്ചെന്ന് ചൂണ്ടിക്കാട്ടി ആഗസ്റ്റ് 17ന് ഹരിത സംസ്ഥാനകമ്മിറ്റിയെ മരവിപ്പിച്ചു. ആഗസ്റ്റ് 25ന് ഹരിത നേതൃത്വത്തെ വിളിച്ചുവരുത്തി രാത്രി വൈകുംവരെ നടത്തിയ ചർച്ചയും അലസി. ആരോപണവിധേയർ പരസ്യമായി ഖേദം പ്രകടിപ്പിക്കുമെന്നും പകരം വനിതാ കമ്മിഷനിലെ പരാതി പിൻവലിക്കണമെന്നും ലീഗ് നേതൃത്വം നിർദ്ദേശിച്ചെങ്കിലും ഹരിത തള്ളി. ഇന്നലത്തെ ഉന്നതാധികാര സമിതിക്ക് തൊട്ടുമുമ്പെങ്കിലും പരാതി പിൻവലിക്കണമെന്ന അന്ത്യശാസനവും ഫലിച്ചില്ല. പാർട്ടി നിർദ്ദേശങ്ങൾ പൂർണമായും അംഗീകരിച്ച് എം.എസ്.എഫ് നിൽക്കുമ്പോൾ എല്ലാം ധിക്കരിക്കുന്നവരെ ഉൾക്കൊള്ളണോയെന്ന ചോദ്യം സാദിഖലി ശിഹാബ് തങ്ങൾ ഉന്നയിച്ചതോടെ ഹരിതയോട് മൃദുസമീപനമെടുത്ത എം.കെ. മുനീറും ഇ.ടി. മുഹമ്മദ് ബഷീറും എതിർപ്പുയർത്തിയില്ല. ഇതോടെ ഹരിത സംസ്ഥാന കമ്മിറ്റിയുടെ കാലാവധി കഴിഞ്ഞതടക്കം ചൂണ്ടിക്കാട്ടി പിരിച്ചുവിടാൻ തീരുമാനിക്കുകയായിരുന്നു.

 ഹ​രി​ത​യെ ത​ട്ടി​യ​തി​ന് പി​ന്നി​ൽ​ ​സാ​ദി​ഖ​ലി​ ​ത​ങ്ങൾ

മ​ല​പ്പു​റം​:​ ​ഹ​രി​ത​ ​സം​സ്ഥാ​ന​ ​ക​മ്മി​റ്റി​യെ​ ​പി​രി​ച്ചു​വി​ട്ട​ത് ​മു​സ്‌​ലിം​ ​ലീ​ഗ് ​ഉ​ന്ന​താ​ധി​കാ​ര​ ​സ​മി​തി​യം​ഗം​ ​പാ​ണ​ക്കാ​ട് ​സാ​ദി​ഖ​ലി​ ​ത​ങ്ങ​ളു​ടെ​ ​ഉ​റ​ച്ച​ ​നി​ല​പാ​ടി​നെ​ ​തു​ട​ർ​ന്ന്.​ ​അ​ച്ച​ട​ക്കം​ ​ലം​ഘി​ച്ച​ ​ക​മ്മി​റ്റി​യെ​ ​മ​ര​വി​പ്പി​ക്കു​ക​യ​ല്ല,​​​ ​പി​രി​ച്ചു​വി​ട​ണ​മെ​ന്ന​ ​നി​ല​പാ​ടി​ലാ​യി​രു​ന്നു​ ​അ​ദ്ദേ​ഹം.​ ​വി​വാ​ദം​ ​ത​ണു​ത്ത​ ​ശേ​ഷം​ ​ന​ട​പ​ടി​യെ​ടു​ക്കാ​മെ​ന്ന​ ​ധാ​ര​ണ​യി​ലാ​ണ്,​ ​മ​ര​വി​പ്പി​ച്ച് ​മൂ​ന്നാ​ഴ്ച​യ്ക്ക് ​ശേ​ഷ​മു​ള്ള​ ​പി​രി​ച്ചു​വി​ട​ൽ.
യൂ​ത്ത് ​ലീ​ഗി​ലെ​യും​ ​എം.​എ​സ്.​എ​ഫി​ലെ​യും​ ​ഒ​രു​ ​വി​ഭാ​ഗം​ ​നേ​താ​ക്ക​ളു​ടെ​ ​ച​ര​ടു​വ​ലി​യാ​ണ് ​ഹ​രി​ത​യു​ടെ​ ​പ​രാ​തി​ക്ക് ​പി​ന്നി​ലെ​ന്ന​ ​വി​ശ്വാ​സ​ത്തി​ലാ​ണ് ​സാ​ദി​ഖ​ലി​ ​ത​ങ്ങ​ൾ.​ ​ത​ന്റെ​ ​നോ​മി​നി​യാ​യി​ ​എം.​എ​സ്.​എ​ഫ് ​സം​സ്ഥാ​ന​ ​പ്ര​സി​ഡ​ന്റ് ​സ്ഥാ​ന​ത്തേ​ക്ക് ​പി.​കെ.​ന​വാ​സെ​ത്തി​യ​പ്പോ​ൾ,​ ​എ​തി​ർ​പ്പു​മാ​യി​ ​പ​രാ​തി​ക്കാ​രാ​യ​ ​ഹ​രി​ത​ ​നേ​താ​ക്ക​ൾ​ ​വ​ന്നി​രു​ന്നു.​ ​യൂ​ത്ത് ​ലീ​ഗി​ന്റെ​യും​ ​എം.​എ​സ്.​എ​ഫി​ന്റെ​യും​ ​ക​ടി​ഞ്ഞാ​ൺ​ ​പോ​വ​രു​തെ​ന്ന് ​ആ​ഗ്ര​ഹി​ക്കു​ന്ന​ ​ര​ണ്ട് ​പ്ര​മു​ഖ​ ​നേ​താ​ക്ക​ളാ​ണ് ​ഹ​രി​ത​യു​ടെ​ ​പ​രാ​തി​ക്ക് ​പി​ന്നി​ലെ​ന്നും​ ​അ​ദ്ദേ​ഹം​ ​വി​ല​യി​രു​ത്തു​ന്നു.​ ​അ​തു​കൊ​ണ്ടാ​ണ് ,​സ്ത്രീ​വി​രു​ദ്ധ​ ​പാ​ർ​ട്ടി​യെ​ന്ന​ ​മു​ദ്ര​കു​ത്ത​ൽ​ ​നേ​രി​ടേ​ണ്ടി​ ​വ​രു​മെ​ന്ന​ ​മു​തി​ർ​ന്ന​ ​നേ​താ​ക്ക​ളു​ടെ​ ​മു​ന്ന​റി​യി​പ്പും​ ​അ​വ​ഗ​ണി​ച്ച​ത്.​ ​സം​സ്ഥാ​ന​ ​പ്ര​സി​ഡ​ന്റ് ​ഹൈ​ദ​ര​ലി​ ​ത​ങ്ങ​ൾ​ ​ചി​കി​ത്സ​യി​ലാ​യ​തി​നാ​ൽ​ ​ചു​മ​ത​ല​ക​ൾ​ ​നി​ർ​വ​ഹി​ക്കു​ന്ന​ ​സാ​ദി​ഖ​ലി​ ​ത​ങ്ങ​ളു​ടെ​ ​അ​പ്രീ​തി​ ​നേ​ടാ​ൻ​ ​ത​യ്യാ​റ​ല്ലെ​ന്ന​തി​നാ​ൽ​ ​ഉ​ന്ന​താ​ധി​കാ​ര​ ​സ​മി​തി​യി​ൽ​ ​എ​തി​ർ​ ​ശ​ബ്ദ​ങ്ങ​ളു​യ​ർ​ന്നി​ല്ല.
.​ ​വ​നി​താ​ക​മ്മി​ഷ​നി​ലെ​ ​പ​രാ​തി​ ​പി​ൻ​വ​ലി​ച്ചാ​ൽ​ ​നി​ല​വി​ലെ​ ​ക​മ്മി​റ്റി​യെ​ ​തു​ട​രാ​ൻ​ ​അ​നു​വ​ദി​ക്കാ​നും​ ​എം.​എ​സ്.​എ​ഫ്നേ​തൃ​നി​ര​യി​ലേ​ക്ക് ​കൂ​ടു​ത​ൽ​ ​പെ​ൺ​കു​ട്ടി​ക​ളെ​ ​കൊ​ണ്ടു​വ​രാ​നു​മാ​യി​രു​ന്നു​ ​ധാ​ര​ണ.​ ​ഹ​രി​ത​യോ​ട് ​മൃ​ദു​സ​മീ​പ​നം​ ​സ്വീ​ക​രി​ച്ച​ ​എം.​കെ.​മു​നീ​റി​ന്റെ​യും​ ​ഇ.​ടി.​മു​ഹ​മ്മ​ദ് ​ബ​ഷീ​റി​ന്റെ​യും​ ​ഇ​ട​പെ​ട​ലി​നെ​ത്തു​ട​ർ​ന്നാ​ണ് ​എം.​എ​സ്.​എ​ഫ് ​നേ​തൃ​ത്വ​ത്തെ​ക്കൊ​ണ്ട് ​പ​ര​സ്യ​മാ​യി​ ​മാ​പ്പ് ​പ​റ​യി​പ്പി​ച്ച​ത്.​ ​അ​ച്ച​ട​ക്ക​ ​ന​ട​പ​ടി​യെ​ന്ന​ ​നി​ല​പാ​ടി​ൽ​ ​ഹ​രി​ത​ ​ഉ​റ​ച്ചു​നി​ന്ന​തോ​ടെ,​ ​സാ​ദി​ഖ​ലി​ ​ത​ങ്ങ​ളു​ടെ​ ​വാ​ദ​ത്തി​ന് ​മേ​ൽ​ക്കൈ​ ​ല​ഭി​ച്ചു.​ ​വ​നി​താ​ ​ക​മ്മി​ഷ​നി​ലെ​ ​ഹ​രി​ത​യു​ടെ​ ​പ​രാ​തി​യി​ൽ​ ​സം​സ്ഥാ​ന​ ​ട്ര​ഷ​റ​ർ​ ​ആ​യി​ഷാ​ബാ​നു​ ​ഒ​പ്പി​ട്ടി​ട്ടി​ല്ല.​ ​ഇ​വ​രെ​ ​ഭാ​ര​വാ​ഹി​യാ​ക്കി​ ​പു​തി​യ​ ​ക​മ്മി​റ്റി​ ​രൂ​പ​വ​ത്ക​രി​ക്കാ​നും​ ​നീ​ക്ക​മു​ണ്ട്.