തിരുവനന്തപുരം: സംസ്ഥാനത്ത് 12 മുതൽ14 വരെ പ്രായമുള്ള 57,025 പേർക്ക് ഇതുവരെ കൊവിഡ് വാക്‌സിൻ നൽകിയതായി മന്ത്രി വീണാ ജോർജ് അറിയിച്ചു. മറിച്ചുള്ള പ്രചാരണങ്ങൾ തെറ്റാണ്. മൂന്നാഴ്ച മുമ്പാണ് ഈ പ്രായക്കാർക്ക് വാക്‌സിനേഷൻ ആരംഭിച്ചത്. പരീക്ഷാ സമയമായതിനാലാണ് വേഗത്തിൽ പുരോഗമിക്കാത്തത്. പരീക്ഷകൾ കഴിഞ്ഞശേഷം വിദ്യാഭ്യാസവകുപ്പുമായി ചേർന്ന് കുട്ടികൾക്കായി പ്രത്യേക വാക്‌സിനേഷൻ യജ്ഞം നടത്തുമെന്നും മന്ത്രി പറഞ്ഞു.