കൊച്ചി: കൊവിഡ് പ്രതിസന്ധിയിൽ നിന്ന് വാഹന വിപണി കരകയറിയ കണക്കുകളാണ് കഴിഞ്ഞദിവസം പുറത്തുവന്നത്. ജൂണിൽ ഒട്ടുമിക്ക കമ്പനികളും വൻ വില്പന നേട്ടം കുറിച്ചു. ചില കമ്പനികളുടെ വളർച്ച 500 ശതമാനത്തിന് മുകളിലാണെന്നത് ഉപഭോക്തൃ ഡിമാൻഡിന്റെ നല്ല ട്രെൻഡാണ് ചൂണ്ടിക്കാട്ടുന്നത്. ഈ ട്രെൻഡിന്റെ ആവേശത്തിൽ ഈമാസം വിപണിയിലേക്ക് ചുവടുവയ്ക്കുന്നത് ഒട്ടേറെ പുത്തൻ മോഡലുകളാണ്.
ജർമ്മൻ ആഡംബര ബ്രാൻഡായ ഔഡിയുടെ ഓൾ-ഇലക്ട്രിക് എസ്.യു.വിയായ ഇ-ട്രോൺ അവയിൽ ശ്രദ്ധേയമാണ്. ജൂലായ് 22ന് ഇ-ട്രോൺ വില്പനയ്ക്കെത്തും. 408 എച്ച്.പി കരുത്തുള്ള ഡ്യുവൽ മോട്ടോറാണ് ഉണ്ടാവുക. ടാറ്റയുടെ നെക്സോൺ, അൽട്രോസ് എന്നിവയുടെ ഡാർക്ക് എഡിഷൻ ഈമാസം നിരത്തിലെത്തും. മെഴ്സിഡെസ്-ബെൻസിന്റെ എ.എം.ജി ഇ-53 ആണ് മറ്റൊരു താരം. ഈവാരം വിപണിയിലെത്തുന്ന മോഡലിന് ബി.എം.ഡബ്ള്യു എം5 ആണ് പ്രധാന എതിരാളി. കാറിന് പ്രതീക്ഷിക്കുന്ന വില ഒന്നരക്കോടി രൂപയാണ്.
കാത്തിരിപ്പിന് വിരാമമിട്ട് ഫോക്സ്വാഗന്റെ ടൈഗനും ഈ മാസം ഇന്ത്യൻ മണ്ണിൽത്തൊടും. 5-സീറ്റർ എസ്.യു.വിയാണിത്. ലംബോർഗിനയുടെ ഹുറാകാൻ എസ്.ടി.ഒയും വിപണിയിലെത്താൻ സജ്ജമായിട്ടുണ്ട്. 5.2 ലിറ്റർ വി10 എൻജിനാണുള്ളത്. കരുത്ത് 631 എച്ച്.പി. പൂജ്യത്തിൽ നിന്ന് 100 കിലോമീറ്റർ വേഗം നേടാൻ മൂന്ന് സെക്കൻഡ് ധാരാളം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |