മുഹമ്മ : അഖിലേന്ത്യ കിസാൻസഭയുടെ നേതൃത്വത്തിൽ വി.ചാമുണ്ണി നയിക്കുന്ന കർഷകരക്ഷാ യാത്രയ്ക്ക് കോമളപുരം റോഡ് മുക്കിൽ സ്വീകരണം നൽകി. പി. ജി. സുനിൽ കുമാർ അദ്ധ്യക്ഷനായി. സി പി ഐ ജില്ലാ സെക്രട്ടറി ടി.ജെ.ആഞ്ചലോസ് സ്വീകരണ സമ്മേളനം ഉദ്ഘാടനം ചെയ്തു. സി പി ഐ സംസ്ഥാന കമ്മിറ്റി അംഗം ജി. കൃഷ്ണപ്രസാദ് മികച്ച കർഷകരെ ആദരിച്ചു. സി പി ഐ സംസ്ഥാന കമ്മിറ്റി അംഗം ദീപ്തി അജയകുമാർ മേഖല തലത്തിലുള്ള കർഷകരെ ആദരിച്ചു. പി. അവിനാശ് പച്ചക്കറി വിത്തുകൾ വിതരണം ചെയ്തു. കിസാൻ സഭ ആലപ്പുഴ മണ്ഡലം കമ്മിറ്റി സെക്രട്ടറി ടി. ആർ . ദാസൻ , പി. ജി.രാധാകൃഷ്ണൻ എന്നിവർ സംസാരിച്ചു.