അമ്പലപ്പുഴ: പറവൂരിൽ കാറ്റാടി കാടുകൾക്ക് തീപിടിച്ചത് പരിഭ്രാന്തി പരത്തി. ഗലിലീയോ കടപ്പുറം സെന്റ് ആന്റണി ചർച്ചിന് സമീപം 5 ഏക്കറോളം വരുന്ന കാറ്റാടി കാടുകൾക്കാണ് തീപിടിച്ചത്. വിവരം അറിഞ്ഞ് ആലപ്പുഴ അഗ്നി രക്ഷസേന സ്ഥലത്തെത്തി രക്ഷാപ്രവർത്തനം നടത്തി. രണ്ട് മണിക്കൂറോളമെടുത്താണ് തീ പൂർണ്ണമായും നിയന്ത്രണ വിധേയമാക്കിയത് . അസി.സ്റ്റേഷൻ ഓഫിസർ (ഗ്രേഡ് ) കെ.ആർ. അനിൽകുമാറിന്റെ നേതൃത്വത്തിൽ ഫയർ ആൻഡ് റെസ്ക്യു ഓഫിസർമാരായ വിജയ് , ജിജോ , ശശി അഭിലാഷ്, ജോബിൻ വർഗീസ്, അനിൽകുമാർ വിനീഷ് എന്നിവരാണ് രക്ഷാപ്രവർത്തനത്തിൽ പങ്കെടുത്തത് .
വേനൽ കടുത്തതോടെ പുരയിടങ്ങളിലെ പുല്ലുകൾക്കും മറ്റും തീപിടിക്കുന്നത് പതിവായിട്ടുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |