ചേർത്തല: വാരനാട് ദേവീക്ഷേത്രത്തിലെ നിറപുത്തരി 16ന് രാവിലെ 9.30നും 10.20നും മദ്ധ്യേ കെവിഡ് മാനദണ്ഡങ്ങൾ പാലിച്ച് നടക്കും. തിങ്കളാഴ്ച രാവിലെ കൊടിമരച്ചുവട്ടിൽ സമർപ്പിക്കുന്ന നെൽക്കതിരുകൾ, മേൽശാന്തി തീർത്ഥം തളിച്ച് ശുദ്ധിവരുത്തും. തുടർന്ന് ചുവന്ന പട്ടിൽ പൊതിഞ്ഞ് കതിർക്ക​റ്റകൾ, ക്ഷേത്രം മേൽശാന്തി ശ്രീകൃഷ്ണരു മനോജിന്റെ നേതൃത്വത്തിൽ ശിരസിലേ​റ്റി, വാദ്യമേളങ്ങളുടെ അകമ്പടിയോടെ മുഖമണ്ഡപത്തിൽ സമർപ്പിക്കും. ഒപ്പം ആലില, മാവില, ഇല്ലി, നെല്ലി, ഇലകളും ദശപുഷ്പം എന്നിവയും സമർപ്പിക്കും. ആദ്യക​റ്റയിൽ നിന്നെടുക്കുന്ന ഉണക്കലരി കൊണ്ട് ദേവിക്ക് പുത്തരി പായസം തയ്യാറാക്കും. മുഖമണ്ഡപത്തിലെ പൂജകൾക്ക് ശേഷം നെൽക്ക​റ്റകൾ ദേവിക്ക് സമർപ്പിക്കും. ഒപ്പം പുത്തരിപായസം, ഉപ്പുമാങ്ങ, ഇഞ്ചിത്തൈര്, മെഴുക്കുപുരട്ടി, പുളിശേരി എന്നിവയും നേദിക്കും. തുടർന്ന് ഉച്ചപൂജയ്ക്ക് ശേഷം നട അടയ്ക്കും. നിറപുത്തരിക്ക് മുൻകൂട്ടി ചീട്ടെടുക്കാൻ സൗകര്യമേർപ്പെടുത്തിയിട്ടുണ്ട്. ഫോൺ: 85938 82269, 94470 13806.