ആലപ്പുഴ: സംസ്ഥാന സ്പോർട്സ് കൗൺസിലിന് കീഴിൽ വിവിധ ജില്ലകളിൽ പ്രവർത്തിക്കുന്ന ജില്ലാ സ്പോർട്സ് അക്കാദമികൾ, സ്കൂൾ സ്പോർട്സ് അക്കാദമികൾ, എലൈറ്റ്, ഓപ്പറേഷൻ ഒളിമ്പ്യാ സ്കീമുകൾ എന്നിവയിലേയ്ക്ക് 2021-22 അദ്ധ്യയന വർഷത്തെ അത്ലറ്റിക്സ് ,ഫുട്ബാൾ, വോളീബാൾ ഇനങ്ങളിലേയ്ക്ക് നടന്ന ജില്ലാ സെലക്ഷനിൽ എൻട്രി കാർഡ് ലഭിച്ചവർക്കായി സോണൽ സെലക്ഷൻ സംഘടിപ്പിക്കും. ജനന സർട്ടിഫിക്കറ്റ്, ഏതു ക്ലാസിൽ പഠിക്കുന്നു എന്നത് സംബന്ധിച്ച് ഹെഡ്മാസ്റ്റർ/പ്രിൻസിപ്പൽ നൽകിയ സർട്ടിഫിക്കറ്റ്, കായിക മികവ് തെളിയിക്കുന്ന സർട്ടിഫിക്കറ്റിന്റെ അസൽ , രണ്ട് പാസ്പോർട്ട് സൈസ് ഫോട്ടോ എന്നിവ സഹിതം 16ന് രാവിലെ 8ന് ആലപ്പുഴ ഗവ.ടി.ഡി മെഡിക്കൽ കോളേജ് ഗ്രൗണ്ടിൽ ഹാജരാകണം. കായിക താരങ്ങൾ 48 മണിക്കൂറിനുള്ളിലുള്ള ആന്റിജൻ കൊവിഡ് നെഗറ്റീവ് സർട്ടിഫിക്കറ്റ് നൽകണം. വിശദ വിവരങ്ങൾക്ക് : 0477 2253090.