ആലപ്പുഴ: കേന്ദ്രാവിഷ്‌കൃത പദ്ധതികളുടെ ജില്ലയിലെ നിർവഹണ പുരോഗതി ഡിസ്ട്രിക്ട് ഡെവലപ്പ്മെന്റ് കോ-ഓർഡിനേഷൻ മോണിട്ടറിംഗ് കമ്മിറ്റി (ദിശ) അവലോകനം ചെയ്തു. ചെയർമാൻ കൊടിക്കുന്നിൽ സുരേഷ് എം.പി, കോ-ചെയർമാൻ എ.എം. ആരിഫ് എം.പി, കളക്ടർ എ. അലക്സാണ്ടർ, ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി തുടങ്ങിയവർ പങ്കെടുത്തു.

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, പ്രധാനമന്ത്രി ആവാസ് യോജന ഗ്രാമീൺ, സ്വച്ച്ഭാരത് മിഷൻ, ദേശീയ ആരോഗ്യ ദൗത്യം തുടങ്ങി വിവിധ മേഖലകളിലെ പദ്ധതികളുടെ നിർവഹണ പുരോഗതി കളക്ടറേറ്റിൽ ചേർന്ന യോഗം പരിശോധിച്ചു. കേന്ദ്രാവിഷ്‌കൃത പദ്ധതികൾ സമയബന്ധിതമായി പൂർത്തീകരിക്കാൻ ജാഗ്രത പുലർത്തണമെന്ന് കളക്ടർ തദ്ദേശസ്ഥാപന പ്രതിനിധികൾക്ക് നിർദേശം നൽകി.