ആലപ്പുഴ: ജയിൽ അന്തേവാസികൾക്കും ജീവനക്കാർക്കും നൽകിവരുന്ന യോഗാധ്യാന പരിശീലനത്തിന് ജില്ലയിൽ തുടക്കമായി. ജില്ലാ ജയിൽ സൂപ്രണ്ട് ശ്രീകുമാറിന്റെ അദ്ധ്യക്ഷതയിൽ നടന്ന യോഗത്തിൽ അമൃതാനന്ദമയീ മഠം കോട്ടയം, ആലപ്പുഴ ജില്ലാ മഠാധിപതിയായ സ്വാമിനി നിഷ്ഠാ മൃതപ്രാണാജി ഭദ്രദീപം തെളിച്ച് ഉദ്ഘാടനം ചെയ്തു. ആലപ്പുഴ സേവാ സമിതി കാര്യകർത്താക്കളായ മനോഹരൻ പറവൂർ, ബാബു കുറവൻ തോട് എന്നിവർ സംസാരിച്ചു. കോ ഓർഡിനേറ്റർ ബി. പുഷ്പരാജൻ സ്വാഗതവും ലാൽജി പൊന്നാട് നന്ദിയും പറഞ്ഞു. ഏഴുദിവസം നീണ്ടുനിൽക്കുന്ന പരിശീലനത്തിന് മാതാ അമൃതാനന്ദമയീ മഠം യോഗാ കോ ഓർഡിനേറ്റർമാരായ ബ്രഹ്മചാരിണി പ്രീതി, ധന്യ എന്നിവർ നേതൃത്വം നൽകും.