SignIn
Kerala Kaumudi Online
Thursday, 25 April 2024 1.38 AM IST

ദേശീയ പാത നഷ്ടപരിഹാര വിതരണം ആരംഭിച്ചു 141അപേക്ഷകർക്ക് നൽകി​യത് 128കോടി

nh

ആലപ്പുഴ: ദേശീയ പാത സ്ഥലമേറ്റെടുപ്പി​ന്റെ നഷ്ടപരി​ഹാരത്തുക വി​തരണം പുന:രാരംഭി​ച്ചു.

തുറവൂർ മുതൽ ഓച്ചിറ വരെയുള്ള ഭാഗം ആറുവരി പാതയാക്കുന്നതിനായി​ സ്ഥലമെടുത്ത ഭൂവുടമകൾക്കുള്ള തുകയാണ് വി​തരണം തുടങ്ങി​യത്. സ്ഥലമെടുപ്പ് മാർച്ച് 31ന് മുമ്പ് പൂർത്തീകരിക്കാൻ കൂടുതൽ ഉദ്യോഗസ്ഥരെ നിയമിക്കുകയും പുതിയ ഡെപ്യൂട്ടികളക്ടർ ചുമതല ഏൽക്കുകയും ചെയ്തതോടെയാണ് നഷ്ടപരിഹാരത്തുകയുടെ വിതരണം പുന:സ്ഥാപിച്ചത്.

നിലവിലെ ഡെപ്യൂട്ടി കളക്ടർ സ്ഥലം മാറിപ്പോയതിനെ തുടർന്ന് കഴിഞ്ഞ നാലു മുതൽ നഷ്ടപരിഹാര തുകയുടെ വിതരണം മുടങ്ങിയി​രുന്നു.

കഴിഞ്ഞ 14 ദിവസമായി ജോലികൾ മന്ദഗതിയിലായി​രുന്നു. രണ്ട് ദിവസത്തിനുള്ളിൽ 141 ഭൂ ഉടമകൾക്കായി 128കോടി രൂപയാണ് വിതരണം ചെയ്തത്. 7760 ഭൂവുടമകളിൽ 3628 പേർക്ക് 1328 കോടി രൂപ വിതരണം ചെയ്തു. ശേഷിക്കുന്ന 4132 പേരുടെ ഫയൽ ഇനി തീർപ്പാക്കണം. നഷ്ടപരിഹാരം വിതരണം ചെയ്യാനായി 1472 കോടി രൂപ ഇപ്പോൾ കൈവശമുണ്ട്. കൂടുതൽ ഉദ്യോഗസ്ഥരെ നിയമിച്ചതോടെ നഷ്ടപരിഹാരത്തുക വിതരണം വേഗതയിലായത്. ഡെപ്യൂട്ടി കളക്ടറുടെ ഓഫീസിൽ മാത്രം അധികമായി കഴിഞ്ഞ ദിവസം 10 ജീവനക്കാരെയാണ് നിയമിച്ചത്.

#സ്‌പെഷൽ ഡ്രൈവ്

ചേർത്തല, അമ്പലപ്പുഴ, കാർത്തികപ്പള്ളി താലൂക്കുകളിൽ പ്രവർത്തിക്കുന്ന മൂന്ന് സ്‌പെഷൽ തഹസീൽദാർ ഓഫീസുകളിൽ സ്‌പെഷ്യൽ ഡ്രൈവ് നടത്തും. ജീവനക്കാരുടെ കുറവ് പരിഹരിക്കാൻ കൂടുതൽ ജീവനക്കാരെ നിയമിച്ചു.

നഷ്ടപരിഹാരം

ആകെ ഭൂവുടമകൾ:7760

തീർപ്പ് കല്പിച്ചത്: 3628

വിതരണം ചെയ്ത തുക: 1328കോടി

തീർപ്പ് കല്പിക്കാനുള്ള ഫയൽ: 4132

വിതരണം ചെയ്യാനുള്ളത്: 1472കോടി

കഴിഞ്ഞ രണ്ട് ദിവസം

വിതരണം നടത്തിയ തുക

തീർപ്പ് കല്പിച്ച ഭൂഉടമകൾ: 141

വിതരണം ചെയ്ത തുക: 128കോടി

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, ALAPPUZHA
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.