ചേർത്തല: ഏപ്രിൽ 13 ന് ചേർത്തലയിലെത്തുന്ന നാടക യാത്രയ്ക്ക് മുന്നോടിയായി കേരള ശാസ്ത്രസാഹിത്യ പരിഷത്ത് സംഘടിപ്പിച്ച ശാസ്ത്ര പുസ്തക പ്രദർശനം മന്ത്റി പി.പ്രസാദ് ഉദ്ഘാടനം ചെയ്തു. അഡ്വ മനു ഹർഷൻ,പി.ആർ.രാജേഷ് എന്നിവർ പുസ്തകങ്ങൾ ഏറ്റുവാങ്ങി. എൻ.ആർ.ബാലകൃഷ്ണൻ അദ്ധ്യക്ഷത വഹിച്ചു. മുനിസിപ്പൽ വൈസ് ചെയർമാൻ ടി.എസ്.അജയകുമാർ, കൗൺസിലർ എം.കെ.പുഷ്പകുമാർ,എൻ.കെ.പ്രകാശൻ,അഡ്വ.ഡി.തിലകൻ,അഡ്വ.സി.എച്ച്.ചന്ദ്രഭാനു, ജില്ലാ പ്രസിഡന്റ് ഡോ. വി.എൻ.ജയചന്ദ്രൻ എന്നിവർ സംസാരിച്ചു. ജനറൽ കൺവീനർ എൻ.ജയൻ സ്വാഗതവും മേഖലാ സെക്രട്ടറി ബി. ശ്രീലത നന്ദിയും പറഞ്ഞു. വിവിധ ശാസ്ത്ര ശാഖകളിലുള്ള പുസ്തകങ്ങൾ, കുട്ടികൾക്കായുള്ള ശാസ്ത്ര മാസികകൾ, ഊർജ്ജ സംരക്ഷണോപാധിയായ ചൂടാറാപ്പെട്ടി,സമതാ ഉത്പന്നങ്ങൾ എന്നിവ പ്രദർശന സ്റ്റാളിൽ ലഭ്യമാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |