കായംകുളം: എക്സൈസ് റേഞ്ച് എക്സൈസ് ഇൻസ്പെക്ടർ സി.ബി. വിജയനും സംഘവും ചേർന്ന് കായംകുളം പത്തിയൂരിലെ വിവിധ ഭാഗങ്ങളിൽ നടത്തിയ റെയ്ഡിൽ പത്തിയൂർ പുഞ്ചയ്ക്ക് സമീപത്തുള്ള പുളിന്തറ പുഞ്ചയ്ക്കരികിൽ നിന്നു 805 ലിറ്റർ കോടയും 20 ലിറ്റർ ചാരായവും പിടികൂടി.

ചെളിയും വെള്ളക്കെട്ടും നിറഞ്ഞ പുഞ്ചയിൽ എക്സൈസ് ഉദ്യോഗസ്ഥർ സാഹസികമായാണ് കോടയും ചാരായവും കണ്ടെടുത്തത്. അസി. എക്സൈസ് ഇൻസ്പെക്ടർ അനിമോൻ ആന്റണി, പ്രിവന്റീവ് ഓഫീസർ അൻസു പി.ഇബ്രാഹിം, സിവിൽ എക്സൈസ് ഓഫീസർമാരായ സിനു ലാൽ, രാജേഷ് കുമാർ, പ്രവീൺ, സുരേഷ്, രാഹുൽ കൃഷ്ണൻ, അരുൺ അശോക്, വനിത സിവിൽ എക്സൈസ് ഓഫീസർമാരായ സീനു വൈ. ദാസ്, ഷൈനി നാരായണൻ എന്നിവരും സംഘത്തിൽ ഉണ്ടായിരുന്നു.