കൊച്ചി: സംസ്ഥാനത്ത് കെ.എസ്.ഇ.ബിയിൽ മെയ് 31ന് കൂട്ട വിരമിക്കൽ. ഡയറക്ടർ മുതൽ വർക്കർ വരെ ഉള്ള 573 ജീവനക്കാർ ആണ് സർവീസിൽ നിന്നും പടിയിറങ്ങുന്നത്. എറണാകുളം ജില്ലയിൽ നിന്ന് 41 പേർ പട്ടികയിലുണ്ട്. കൊവിഡ് നിയന്ത്രണങ്ങളുള്ളതിനാൽ ഓഫീസിലും വീട്ടിലും ചടങ്ങുകളൊന്നുമില്ലാതെ നിശബ്ദമായാണ് എല്ലാവരുടെയും യാത്രാമൊഴി. 2021ൽ മാത്രം 2000ത്തോളം പേരാണ് കെ.എസ്.ഇ.ബിയിൽ സേവനം പൂർത്തിയാക്കുന്നത്. 1991-95 കാലഘട്ടത്തിൽ ബോർഡിലേക്ക് വ്യാപക നിയമനങ്ങൾ നടന്നിരുന്നു. ഈ സമയത്ത് സർവീസിൽ പ്രവേശിച്ചവരാണ് വിരമിക്കുന്നവരിൽ ഭൂരിഭാഗവും.
വിരമിക്കുന്നവരുടെ പട്ടികയിൽ നിന്ന്
ഓവർസിയർമാർ 224
ഡെപ്യൂട്ടി ചീഫ് എൻജിനീയർ : 22
ചീഫ് എൻജിനീയർ : 6
എക്സിക്യൂട്ടീവ് എൻജിനീയർ : 9
സീനിയർ സൂപ്രണ്ട് : 84
സീനിയർ അസിസ്റ്റന്റ് : 37
സബ് എൻജിനീയർ: 37
അസിസ്റ്റന്റ് എൻജിനീയർ : 47
ലൈൻമാൻ : 30
വർക്കർ : 15
അക്കൗണ്ട്സ് ഓഫീസർ : 7
അസി.അക്കൗണ്ട്സ് ഓഫീസർ : 12
അസിസ്റ്റന്റ് ഫിനാൻസ് ഓഫീസർ : 3
ഡയറക്ടർ : 1
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |