കൊച്ചി: ഭിന്നശേഷിക്കാർക്കും വയോജനങ്ങൾക്കും സഹായോപകരണങ്ങൾ നൽകുന്ന പദ്ധതി പുനരാരംഭിക്കുന്നു. കാലിപ്പർ, കൃത്രിമ കൈകാലുകൾ, ബെൽട്ട് എന്നിവ ഉൾപ്പെടെ 21 സാധനങ്ങളാണ് പട്ടികയിലുള്ളത്. ഉപയോക്താക്കൾക്ക് ഇതിൽ ഏതാണ് നൽകേണ്ടതെന്ന് ഓരോരുത്തരെയും നേരിൽ കണ്ടശേഷം തീരുമാനിക്കും. സഹായോപകരണങ്ങൾ ആവശ്യമുള്ള ഭിന്നശേഷിക്കാരും വയോജനങ്ങളും ജനസേവന കേന്ദ്രങ്ങളിൽ രജിസ്റ്റർ ചെയ്യണം. കാഴ്ച പരിമിതർക്ക് ബ്രെയ്ലി ലിപി യന്ത്രം, ബ്രെയ്ലി സ്ലേറ്റ്, ജോയ് സ്റ്റിക്ക് എന്നിവയും കേൾവി പരിമിതർക്കായി കീശയിൽ വയ്ക്കാവുന്ന തരത്തിലുള്ള ശ്രവണോപകരണം, ചെവിയുടെ പിന്നിൽ വയ്ക്കുന്ന ശ്രവണോപകരണം എന്നിവയും നൽകും. വിവരങ്ങൾക്ക് ജില്ലാ സാമൂഹ്യനീതി ഓഫീസുമായി ബന്ധപ്പെടാം. വിവരങ്ങൾക്ക്: 0484 2425377
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |