തൃക്കാക്കര: കൊവിഡിനെത്തുടർന്ന് അടച്ചുപൂട്ടിയ സ്കൂളുകൾ തുറക്കുമ്പോഴുള്ള ക്രമീകരണങ്ങൾ ചർച്ച ചെയ്യാൻ തൃക്കാക്കര നഗരസഭ ചെയർപേഴ്സൺ അജിതാ തങ്കപ്പന്റെ അദ്ധ്യക്ഷതയിൽ സ്കൂൾ അധികൃതരുടെ യോഗം ചേർന്നു. പ്രവേശന കവാടങ്ങൾ, കോമ്പൗണ്ട്, ക്ലാസ്മുറികൾ, ശൗചാലയങ്ങൾ, കുടിവെള്ള സ്രോതസും പാചകപ്പുരയും, ഭക്ഷണശാല, വാഹനങ്ങൾ, സ്കൂൾ പരിസരങ്ങൾ എന്നിവിടങ്ങൾ ദൈനംദിനം പരിപാലിക്കേണ്ടത് സംബന്ധിച്ച് യോഗത്തിൽ ധാരണയായി. കൃത്യമായ മോണിറ്ററിംഗ് സംവിധാനവും ഏകോപനവും നടക്കുന്നുണ്ടെന്നും സ്കൂൾ അധികൃതർ വ്യക്തമാക്കി. നഗരസഭ വൈസ് ചെയർമാൻ എ.എ ഇബ്രാഹിംകുട്ടി, സ്ഥിരംസമിതി അദ്ധ്യക്ഷൻമാരായ നൗഷാദ് പല്ലച്ചി, സ്മിത സണ്ണി, സുനീറ ഫിറോസ്, സോമി റെജി തുടങ്ങിയവരോടൊപ്പം സ്കൂൾ അധികൃതരും പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |