കൊച്ചി : കൊവിഡ് അതിവേഗം പടരുന്ന സാഹചര്യത്തിൽ കൂടുതൽ ജാഗ്രത പാലിക്കണമെന്ന് ഡോക്ടർമാരുടെ പ്രതിവാര അവലോകന യോഗം വിലയിരുത്തി. ഇന്ത്യൻ മെഡിക്കൽ അസോസിയേഷൻ (ഐ.എം.എ ), കേരള ഗവ. മെഡിക്കൽ ഓഫീസേഴ്സ് അസോസിയേഷൻ (കെ.ജി.എം.ഒ.എ) , നാഷണൽ ഹെൽത്ത് മിഷൻ (എൻ.എച്ച്.എം.) എന്നിവയുടെ സംയുക്തയോഗത്തിലാണ് വിഷയം ചർച്ചചെയ്തത്.ഒമിക്രോൺ അതിവേഗം പടർന്നു പിടിക്കുന്നു. ആരോഗ്യപ്രവർത്തകർക്കും രോഗം പകരുന്നു. കൊവിഡ് ലക്ഷണങ്ങൾ ഉണ്ടായാൽ ആരോഗ്യപ്രവർത്തകരെ ബന്ധപ്പെട്ട് നിർദ്ദേശങ്ങൾ സ്വീകരിക്കേണ്ടതാണ്. ഡോ. രാജീവ് ജയദേവൻ, ഡോ.മരിയ വർഗീസ്, എന്നിവർ പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |