കൊച്ചി: സംസ്ഥാനത്ത് താപനില ഉയരുന്ന സാഹചര്യത്തിൽ അങ്കണവാടികൾക്ക് മുൻകരുതൽ നിർദേശം. നടപടികൾ അടിയന്തരമായി സ്വീകരിക്കാൻ വനിതാ ശിശുവികസന വകുപ്പ് അങ്കണവാടികൾക്കായി സർക്കുലറും ഇറക്കി.
നിർദ്ദേശങ്ങൾ
കുട്ടികളെ രാവിലെ 10 മുതൽ വൈകിട്ട് 3.30 വരെ പുറത്തിറക്കരുത്.
മുറികളിൽ വായുസഞ്ചാരം ഉറപ്പാക്കണം
കുട്ടികൾ ആവശ്യത്തിന് വെള്ളം കുടിക്കുന്നുണ്ടെന്ന് ഉറപ്പാക്കണം
തിളപ്പിച്ചാറ്റിയ വെള്ളം മാത്രമെ നൽകാവൂ.
ഉപ്പിട്ട കഞ്ഞിവെള്ളം, നാരങ്ങാ വെള്ളം, മോരുംവെള്ളം എന്നിവ നൽകുക
ഭക്ഷണത്തിൽ പഴവർഗങ്ങൾ ഉൾപ്പെടുത്തുക
ഫാൻ സൗകര്യം ഇല്ലാത്തിടത്ത് തദ്ദേശഭരണ സ്ഥാപനങ്ങളുടെ സഹായത്തോടെ അവ ലഭ്യമാക്കുന്നതിന് ജില്ലാ വനിതാ ശിശു വികസന ഓഫീസർമാർ നടപടി സ്വീകരിക്കണം
കഴിവതും കുട്ടികളെ കോട്ടൺ വസ്ത്രങ്ങൾ മാത്രമേ രക്ഷിതാക്കൾ ധരിപ്പിക്കാവൂ.
പുറത്തിറങ്ങുമ്പോൾ കുട, തൊപ്പി എന്നിവ ഉറപ്പാക്കണം.
ചെരുപ്പ് ഇടാതെ നടക്കരുത്
ഉഷ്ണത്തെ തുടർന്നുള്ള അസുഖങ്ങൾ ഉണ്ടായാൽ ഉടൻ അടുത്തുള്ള പ്രാഥമിക ആരോഗ്യ കേന്ദ്രത്തിൽ ബന്ധപ്പെടണം
ആരോഗ്യ വകുപ്പ് നൽകുന്ന നിർദ്ദേശങ്ങൾ കർശനമായി പാലിക്കണം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |