കൊച്ചി: തൃശൂർ യാർഡിൽ ട്രാക്ക് അറ്റകുറ്റപ്പണികൾ നടക്കുന്നതിനാൽ 6, 10 തീയതികളിൽ മൂന്നു ട്രെയിനുകൾ പൂർണ്ണമായും അഞ്ചെണ്ണം ഭാഗികമായും റദ്ദാക്കും. ഷൊർണൂർ ജംഗ്ഷൻ-എറണാകുളം ജംഗ്ഷൻ -മെമു എക്സ്‌പ്രസ് ട്രെയിൻ, എറണാകുളം-ആലപ്പുഴ അൺറിസർവ്ഡ് എക്സ്‌പ്രസ് സ്‌പെഷ്യൽ ട്രെയിൻ, ആലപ്പുഴ-എറണാകുളം അൺറിസർവ്ഡ് എക്സ്‌പ്രസ് സ്‌പെഷ്യൽ ട്രെയിൻ എന്നിവ ഈ ദിവസങ്ങളിൽ പൂർണമായും റദ്ദാക്കിയതായി റെയിൽവേ അറിയിച്ചു.

ഭാഗികമായി റദ്ദാക്കിയവ

തിരുവനന്തപുരം സെൻട്രലിൽ നിന്ന് പുറപ്പെടുന്ന ഗുരുവായൂർ ഇന്റർസിറ്റി എക്സ്‌പ്രസ് എറണാകുളത്ത് സർവീസ് അവസാനിപ്പിക്കും. ഗുരുവായൂർ-തിരുവനന്തപുരം സെൻട്രൽ ഇന്റർസിറ്റി എക്സ്‌പ്രസ് എറണാകുളത്ത് നിന്ന് സർവീസ് ആരംഭിക്കും. കാരയ്ക്കലിൽ നിന്ന് പുറപ്പെടുന്ന എറണാകുളം എക്സ്‌പ്രസ് വടക്കാഞ്ചേരിയിൽ സർവീസ് അവസാനിപ്പിക്കും. ചെന്നൈ എഗ്‌മോർ - ഗുരുവായൂർ എക്സ്‌പ്രസ് എറണാകുളത്തും ബാനസവാടി - എറണാകുളം സൂപ്പർഫാസ്റ്റ് മുളങ്കുന്നത്തുകാവിലും സർവീസ് അവസാനിക്കും.