കൊച്ചി: നവജാത ശിശുക്കളിൽ അന്ധതയ്ക്കു കാരണമാകുന്ന 'റെറ്റിനോപ്പതി ഒഫ് പ്രിമച്യൂരിറ്റി" രോഗം കണ്ടെത്താനുള്ള 'ത്രിനേത്ര റെഡ് കാം നിയോ" എറണാകുളം ജനറൽ ആശുപത്രിയിൽ സ്ഥാപിച്ചു. 15 ലക്ഷം രൂപ വിലയുള്ള ഉപകരണം 'ഹെർബൽ ഐസൊലേറ്റ്‌സ് " കമ്പനി സൗജന്യമായി നൽകിയതാണ്. ജില്ലാ മെഡിക്കൽ ഓഫീസർ ഡോ. വി.ജയശ്രീ ഏറ്റുവാങ്ങി. അഡിഷണൽ ഡി.എം.ഒ ഡോ.വിവേക് കുമാർ, ജനറൽ ആശുപത്രി സൂപ്രണ്ട് ഡോ.എ.അനിത, ഡെപ്യൂട്ടി സൂപ്രണ്ട് ഡോ.ആശ ജോൺ, ഡോ.ജുനൈദ് റഹ്മാൻ, ഡോ.അനിൽകുമാർ, ഡോ.വി.ആർ.രജിന്ദ്രൻ തുടങ്ങിയവർ പങ്കെടുത്തു.