കൊച്ചി: സംസ്ഥാന സർക്കാരിന്റെ 'ടേക് എ ബ്രേക്ക്' പദ്ധതിയിൽ എറണാകുളം ജില്ലയിൽ ഒരുങ്ങുന്നത് 203 പൊതടോയ്ലറ്റുകൾ. 99 ടോയ്ലറ്റുകളുടെയും കെ.എസ്.ആർ.ടി.സി ബസ് സ്റ്റാൻഡിലെ നാല് ടോയ്ലറ്റുകളുടെയും നവീകരണവും ഇതിൽ ഉൾപ്പെടും.
ദേശീയ- സംസ്ഥാന പാതയോരങ്ങൾ, സർക്കാർ - പൊതുമേഖലാ സ്ഥാപനങ്ങളുടെ പരിസരങ്ങൾ, തദ്ദേശ സ്ഥാപനങ്ങളുടെ ഓഫീസ് പരിസരം, വാണിജ്യ കേന്ദ്രങ്ങൾ, ബസ് സ്റ്റാൻഡുകൾ എന്നിവിടങ്ങളിലാണ് ഇവ ഒരുക്കുന്നത്.
70 എണ്ണം റെഡിയായി
കൊച്ചി കോർപ്പറേഷൻ, മുനിസിപ്പാലിറ്റികൾ, തദ്ദേശ സ്ഥാപനങ്ങൾ എന്നിവിടങ്ങളിലായി 70 ശുചിമുറികളുടെ നിർമ്മാണം പൂർത്തിയായി.
എവിടെയൊക്കെ
കൊച്ചി കോർപ്പറേഷൻ : 14
13 മുനിസിപ്പാലിറ്റികളിൽ : 53
82 പഞ്ചായത്തുകൾ : 136
വൃത്തിയും വെടിപ്പും ഉറപ്പ്,
നടത്തിപ്പ് കുടുംബശ്രീ
ഏത് സമയത്തും വൃത്തിയായും സുരക്ഷിതമായും ഉപയോഗിക്കത്തക്ക രീതിയിൽ ആധുനിക സംവിധാനങ്ങളോടെയാണ് നിർമ്മാണം. എല്ലായിടത്തും ടോയ്ലറ്റുകളിലും സാനിട്ടറി നാപ്കിൻ ഡിസ്ട്രോയർ, അജൈവമാലിന്യ സംഭരണ സംവിധാനങ്ങൾ, അണുനാശിനികൾ എന്നിവയുണ്ട്. അതത് തദ്ദേശ സ്ഥാപനത്തിന്റെ പരിധിയിലുള്ള കുടുംബശ്രീ യൂണിറ്റുകൾക്കാണ് നടത്തിപ്പിന്റെയും പരിപാലനത്തിന്റെയും ചുമതല.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |