നെട്ടൂർ: ഹജ്ജ് കർമ്മം നിർവഹിച്ച് നാട്ടിൽ മടങ്ങിയെത്തിയ ഹാജിമാരെ ആദരിച്ചു. എം.ഇ.എസ് സംസ്ഥാന വൈസ് പ്രസിഡന്റ് എം.എം.അഷ്റഫിന്റെ അദ്ധ്യക്ഷതയിൽ കൂടിയ സ്വീകരണ യോഗം നെട്ടൂർ മഹല്ല് മുസ്ലിം ജമാഅത്ത് ചീഫ് ഇമാം ഷിഹാബുദ്ദീൻ അമാനി ഉദ്ഘാടനം ചെയ്തു. മസ്ജിദുൽ ഹിമായ ചീഫ് ഇമാം മീരാൻ സ്വലാഹി അൽ ബാഖവി മുഖ്യപ്രഭാഷണം നടത്തി. മുതിർന്ന എം.ഇ.എസ് നേതാവ് എം.അലിയുടെ നിര്യാണത്തിൽ അനുശോചിച്ചു. പനങ്ങാട് മുസ്ലിം ജമാഅത്ത് ഇമാം താജുദ്ദീൻ തങ്ങൾ, എം.ഇ.എസ് എറണാകുളം ജില്ലാ ലീഗൽ അഡ്വൈസർ അഡ്വ.എം.എം.സലിം, കണയന്നൂർ താലൂക്ക് ജോ.സെക്രട്ടറി കെ.ബി.അബ്ദുൾ കരീം, നെട്ടൂർ യൂണിറ്റ് പ്രസിഡന്റ് പി.എ.നാസർ, സെക്രട്ടറി വി.എ.സാദിഖ്, കെ.ബി.മുഹമ്മദ്കുട്ടി, എം.എ.അബ്ദു, അഡ്വ.ടി.ബി.ഗഫൂർ, പി.എ.സൈനുദ്ധീൻ, എൻ.കെ.അബ്ദുൾ മജീദ്, അബ്ദുൾ റഷീദ് പാപ്പന, ഡോ. മൊയ്നുദ്ദീൻ, പി.എ.ബഷീർ, എം.കെ.മുബാറക് എന്നിവർ സംസാരിച്ചു.