കണ്ണൂർ: കണ്ണൂർ സർവകലാശാല ഇന്റർകോളേജിയറ്റ് പുരുഷ വിഭാഗം ക്രിക്കറ്റ് ചാമ്പ്യൻഷിപ്പിൽ എസ്.എൻ കോളേജ് ചാമ്പ്യന്മാരായി. സ്കൂൾ ഓഫ് ഫിസിക്കൽ എഡ്യൂക്കേഷൻ രണ്ടാം സ്ഥാനവും ഗവ. ബ്രണ്ണൻ കോളേജ് മൂന്നാം സ്ഥാനവും കരസ്ഥമാക്കി. പയ്യന്നൂർ കോളേജ് ഗ്രൗണ്ടിൽ നടന്ന ഫൈനൽ മത്സരത്തിൽ 7 വിക്കറ്റിനായിരുന്നു എസ്.എൻ കോളേജിന്റെ വിജയം. ടൂർണമെന്റിൽ ഒരു സെഞ്ചുറി അടക്കം 242 റൺസെടുത്ത എസ്.എൻ കോളേജ് ക്യാപ്ടൻ പി. അതുൽ മാൻ ഓഫ് ദി സീരീസായി.
സമാപനചടങ്ങിൽ സെന്റ് ജോസഫ്സ് കോളേജ് പ്രിൻസിപ്പാൾ ഡോ. കെ.സി. മുരളീധരൻ അധ്യക്ഷത വഹിച്ചു. സമ്മാനദാനം കായിക വിഭാഗം അസി. ഡയറക്ടർ ഡോ. കെ.വി. അനൂപ്, പയ്യന്നൂർ കോളേജ് കായിക വിഭാഗം മേധാവി കെ.എൻ. അജിത് എന്നിവർ ചേർന്ന് നിർവ്വഹിച്ചു. യാസിർ, കെ. ലജേഷ് എന്നിവർ സംസാരിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |