കാസർകോട് : കാസർകോട് നഗരത്തിലെയും പരിസരങ്ങളിലേയും കടകളിൽ ഉൾപ്പെടെ നിരോധിത പുകയില ഉൽപ്പന്നങ്ങൾ വിൽപ്പന നടത്തുന്ന മൊത്ത വ്യാപാരിയെ കാസർകോട് ടൗൺ പോലീസ് അറസ്റ്റ് ചെയ്തു. കാസർകോട് ബീരന്ത വയൽ സ്വദേശി മുന്ന പ്രസാദ് ചൗധരിയെ (52) കാസർകോട് ടൗൺ എസ് ഐ എം വി വിഷ്ണു പ്രസാദും സംഘവും ആണ് പിടികൂടിയത്. ഇയാളിൽനിന്ന് 2555 പാക്കറ്റ് നിരോധിത പുകയില ഉൽപ്പന്നങ്ങൾ പിടിച്ചെടുത്തു. കാസർകോട് പഴയ ബസ് സ്റ്റാൻഡിലെ സി എൽ കോംപ്ലക്സിലെ അടച്ചിട്ട ഷട്ടറിനുള്ളിൽ ആണ് ഇവ വിതരണത്തിനായി സൂക്ഷിച്ചിരുന്നത്. ഈ കെട്ടിടത്തിന്റെ ഗോവണിക്കടിയിൽ കട നടത്തിയാണ് അതിന്റെ മറവിൽ പുകയില ഉൽപ്പന്നങ്ങൾ വിറ്റ് വരുന്നത്. ഉത്തരേന്ത്യയിൽനിന്ന് 25 വർഷം മുമ്പ് കാസർകോട്ടെത്തിയ ഇയാൾ നിരോധിത പുകയില ഉൽപ്പന്നങ്ങൾ വിൽപ്പന നടത്തി മൊത്തവ്യാപാരിയായി മാറിയതാണെന്ന് പൊലീസ് പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |