കണ്ണൂർ: പരിയാരം മെഡിക്കൽ കോളേജിലെ 147 അദ്ധ്യാപക വിഭാഗം ജീവനക്കാരേയും 521 വിവിധ കേഡറിലുള്ള നഴ്സിംഗ് വിഭാഗം ജീവനക്കാരേയും ഉൾപ്പെടെ 668 പേരെ സർവീസിൽ ഉൾപ്പെടുത്തി ഉത്തരവിട്ടതായി ആരോഗ്യ വകുപ്പ് മന്ത്രി വീണാ ജോർജ് .
പരിയാരം മെഡിക്കൽ കോളേജ്, പരിയാരം ദന്തൽ കോളേജ്, അക്കാഡമി ഓഫ് ഫാർമസ്യൂട്ടിക്കൽ സയൻസസ്, പരിയാരം കോളേജ് ഓഫ് നഴ്സിംഗ്, സഹകരണ ഹൃദയാലയ, ഇൻസ്റ്റിറ്റ്യൂട്ട് ഒഫ് പാരാമെഡിക്കൽ സയൻസസ് എന്നിവ സർക്കാർ ഏറ്റെടുക്കുകയും മെഡിക്കൽ വിദ്യാഭ്യാസ വകുപ്പിന്റെ കീഴിലാക്കുകയും ചെയ്തു. ഇതിനനുസൃതമായി ജീവനക്കാരെ ഏറ്റെടുത്ത് മെഡിക്കൽ കോളേജിന്റെ സുഗമമായ പ്രവർത്തനങ്ങൾ നടക്കുന്നതിനായി 1551 തസ്തികകൾ സൃഷ്ടിച്ചിരുന്നു. ഇത്തരത്തിൽ തസ്തികകൾ സൃഷ്ടിക്കപ്പെട്ട അദ്ധ്യാപക, നഴ്സിംഗ് വിഭാഗം ജീവനക്കാരെയാണ് സർവീസിൽ ഉൾപ്പെടുത്തിയിരിക്കുന്നതെന്ന് മന്ത്രി വ്യക്തമാക്കി.
സ്ഥിരപ്പെടുത്തിയ തസ്തികകൾ
പ്രൊഫസർ 37
അസോസിയേറ്റ് പ്രൊഫസർ 34
അസിസ്റ്റന്റ് പ്രൊഫസർ 50
ലക്ചറർ 26
നഴ്സിംഗ് സൂപ്രണ്ട് (ഗ്രേഡ് രണ്ട്) 2
ഹെഡ് നഴ്സ് 11
സ്റ്റാഫ് നഴ്സ് (ഗ്രേഡ് ഒന്ന് ) 232
സ്റ്റാഫ് നഴ്സ് ഗ്രേഡ് രണ്ട് (, 276 )
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |