കൂത്തുപറമ്പ്:മമ്പറത്ത് റേഷൻ കടയും വെൽഡിംഗ് ഷോപ്പും പ്രവർത്തിക്കുന്ന കെട്ടിടത്തിലേക്ക് പിക്കപ്പ് വാൻ പാഞ്ഞ് കയറി വൻ നാശനഷ്ടം. ആളുകൾ ഓടി മാറിയതിനാൽ വൻ ദുരന്തമാണ് ഒഴിവായത്.

ചൊവ്വാഴ്ച്ച രാവിലെ 10 മണിയോടെ മമ്പറം -തലശ്ശേരി റോഡിലാണ് അപകടം . മലപ്പുറത്തു നിന്നും ചക്കരക്കല്ലിലേക്ക് പോവുകയായിരുന്ന പിക്കപ്പ് വാൻ റേഷൻ കടയും വെൽഡിംഗ് ഷോപ്പും പ്രവർത്തിക്കുന്ന കെട്ടിടത്തിലേക്ക് പാഞ്ഞ് കയറുകയായിരുന്നു. കാറിനിടിച്ച ശേഷമാണ് നിയന്ത്രണം വിട്ട വാൻ കടയിലേക്ക് പാഞ്ഞുകയറിയത്. കടക്ക് സമീപം നിർത്തിയിട്ടിരുന്ന ബൈക്കും പൂർണ്ണമായും തകർന്നു. ഈ സമയത്ത് കടയിൽ നല്ല തിരക്കുണ്ടായിരുന്നെങ്കിലും ആളുകൾ ഓടി മാറിയതിനാൽ ദുരന്തം ഒഴിവായി. കെട്ടിടത്തിന്റെ ഷീറ്റുകളും മറ്റും അപകടത്തിൽ തകർന്നു. അപകടത്തിനിടയാക്കിയ വാഹനം പിന്നീട് ക്രെയിനിന്റെ സഹായത്തോടെ നീക്കം ചെയ്തു.