കണ്ണൂർ: അഖിലേന്ത്യാ അന്തർസർവകലാശാലാ വടംവലി മത്സരത്തിന് മേയ് അഞ്ചുമുതൽ എട്ടുവരെ കണ്ണൂർ യൂണിവേഴ്സിറ്റി വേദിയാവുന്നു.ദക്ഷിണേന്ത്യയിൽ ആദ്യമായാണ് അന്തർസർവകലാശാലാ വടംവലി മത്സരം നടക്കുന്നത്.പുരുഷ, വനിതാ, മിക്സഡ് വിഭാഗങ്ങളിലായി ഇരുപതിൽപരം യൂണിവേഴ്സിറ്റികളിൽ നിന്നായി നാനൂറോളം കായിക താരങ്ങൾ ഈ ചാമ്പ്യൻഷിപ്പിൽ പങ്കെടുക്കും.
ഔട്ട് ഡോർ മൽസരങ്ങൾക്കൊപ്പം നടക്കുന്ന ഇൻഡോർ മത്സരങ്ങളാണ് ചാമ്പ്യൻഷിപ്പിന്റെ ഏറ്റവും വലിയ സവിശേഷത. കബഡിക്കും ഖൊ ഖൊ യ്ക്കും പിറകേ വടംവലിയും ഇൻഡോർ തലത്തിലേക്ക് കടക്കും.വടംവലിയിൽ ഇന്ത്യയിലും കേരളത്തിലും പ്രാഫഷണൽ ലീഗ് മൽസരങ്ങൾ ആരംഭിക്കാൻ ഈ ചാമ്പ്യൻഷിപ്പ് പ്രചോദനമാകുമെന്ന് ചാമ്പ്യൻഷിപ്പിനാവശ്യമായ ഇൻഡോർ പ്രതല നിർമ്മാണത്തിന് നേതൃത്വം കൊടുക്കുന്ന മാടായി കോളേജ് കായിക വിഭാഗം മേധാവി പ്രവീൺ മാത്യു, ടഗ് ഓഫ് വാർ അസോസിയേഷൻ ജില്ലാ ജോയിന്റ് സെക്രട്ടറി സജിത്ത് കുമാർ എരിപുരം എന്നിവർ അറിയിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |