കണ്ണൂർ:പയ്യന്നൂരിൽ ഗാന്ധി പ്രതിമ തകർത്തതിൽ പ്രതിഷേധിച്ച് കേരള സ്റ്റേറ്റ് പെൻഷനേഴ്സ് അസോ. ജില്ലാ കമ്മിറ്റിയുടെ നേതൃത്വത്തിൽ മഹാത്മാ മന്ദിരത്തിൽ നടത്തിയ ഏകദിന ഉപവാസ സത്യാഗ്രഹ സമരം എ.ഡി. മുസ്തഫ ഉദ്ഘാടനം ചെയ്തു.ഗാന്ധി പ്രതിമയുടെ തലയറുത്തതിലൂടെ ഇന്ത്യയുടെ ആത്മാവിന്റെ ശിരസാണ് അറുത്ത് മാറ്റപ്പെട്ടിരിക്കുന്നത്. അതിക്രമം നടത്തിയവരെ സാമൂഹ്യ വിരുദ്ധരെന്നൊ, നി കൃഷ്ടരെന്നൊ വിളിച്ചാൽ പോര കുലദ്രോഹികളെന്നാണവരെ വിളിക്കേണ്ടത് . മഹാത്മാഗാന്ധി മരിക്കും വരെയും കോൺഗ്രസുകാരനായിരുന്നില്ല. ഒരു രാഷ്ട്രീയ പാർട്ടിക്കാരനുമായിരുന്നില്ല. എന്തിനും ഏതിനും സംസാരിക്കുന്ന സാംസ്‌കാരിക നായകന്മാർ ഗാന്ധി പ്രതിമ തകർത്തതിനെക്കുറിച്ച് എന്തേ സംസാരിക്കുന്നില്ല. ഇവരെല്ലാം എവിടെ പോയെന്നും എ.ഡി.മുസ്തഫ ചോദിച്ചു. കെ.രാമകൃഷ്ണൻ അദ്ധ്യക്ഷത വഹിച്ചു.കെ.രാജൻ , എം.പി.വേലായുധൻ, ഇ.വി.ജി.നമ്പ്യാർ .കെ.ഭാസ്‌കരൻ മാസ്റ്റർ, കെ.വി.ഗംഗാധരൻ, ഡോ.കെ.ഫിലോമിന തുടങ്ങിയവർ സംസാരിച്ചു.