കണ്ണൂർ : ആരോഗ്യത്തിനും ക്ഷേമത്തിനും യോഗയുടെ ഗുണങ്ങളെക്കുറിച്ച് അവബോധം ഉണ്ടാക്കുന്നതിനും പ്രചരണത്തിനുമായി രാജ്യമാകെ യോഗ ദിനാചരണം നടത്തുന്നതിന്റെ ഭാഗമായി കണ്ണൂർ ജില്ലയിൽ നൂറ് കേന്ദങ്ങളിൽ യോഗ ദിനാചരണം നടത്തും.
ജില്ലാതല ഉദ്ഘാടനം കക്കാട് മാതാ അമൃതാനന്ദമയി മഠത്തിൽ യോഗദിനാചരണത്തിന്റെ സംസ്ഥാന കൺവീനർ കെ.രഞ്ജിത്ത് നിർവ്വഹിക്കും.എൻ.ഹരിദാസ് , അഡ്വ.അർച്ചന , കെ.രതീഷ് , സി.നാരായണൻ തുടങ്ങിയവർ പങ്കെടുക്കും . എം.ആർ.സുരേഷ് ഇരിട്ടിയിലും പി.സത്യപ്രകാശ് പാനൂരിലും എ.പി.ഗംഗാധരൻ തളിപ്പറമ്പിലും പി.ബാലകൃഷ്ണൻ പടപ്പേങ്ങാടും പി.ആർ.രാജൻ ചെമ്പിലോടും അഡ്വ. വി.രത്നാകരൻ തലശ്ശേരിയിലും വി.പി.സുരേന്ദ്രൻ പൊയിലൂരും ആനിയമ്മ രാജേന്ദ്രൻ മണക്കടവിലും അരുൺ കൈതപ്രം അഞ്ചരക്കണ്ടിയിലും അഡ്വ. ശ്രീധര പൊതുവാൾ പയ്യന്നൂരിലും പങ്കെടുക്കും . വാർത്താസമ്മേളനത്തിൽ ബി.ജെ.പി ജില്ലാ അദ്ധ്യക്ഷൻ എൻ.ഹരിദാസ് നേതാക്കളായ ബിജു ഏളക്കുഴി , എം.ആർ.സുരേഷ് , സിനാരായണൻ , കെ.രതീഷ് എന്നിവർ പങ്കെടുത്തു.