കണ്ണൂർ: സോഡാ മേഖലയെ സംരക്ഷിക്കുന്നതിനായി ഇതരസംസ്ഥാനങ്ങളിൽ നിന്നുവരുന്ന ശീതളപാനീയങ്ങൾ നിയന്ത്രിക്കണമെന്നും സോഡാ നിർമ്മാണത്തിനാവശ്യമായ അസംസ്‌കൃത വസ്തുക്കളുടെ വില നിയന്ത്രിക്കണമെന്നും മാനുഫാക്‌ചേഴ്സ് അസോസിയേഷൻ ഓഫ് സോഡാ ആൻഡ് സോഫ്റ്റ് ഡ്രിങ്ക്സ് സംസ്ഥാന കൺവെൻഷൻ സർക്കാരിനോട് ആവശ്യപ്പെട്ടു.
വെള്ളം പരിശോധനയ്ക്കുള്ള ലാബ് ടെസ്റ്റിംഗ് ചാർജ്ജ് കുറയ്ക്കണമെന്നും ഓഫ് സീസൺ കാലത്ത് കറന്റ് ഫിക്സഡ് ചാർജ് ഒഴിവാക്കണമെന്നും കൺവെൻഷൻ ആവശ്യപ്പെട്ടു. ഗുരുഭവനിൽ നടന്ന കൺവെൻഷൻ രാമചന്ദ്രൻ കടന്നപ്പള്ളി എം.എൽ.എ ഉദ്ഘാടനം ചെയ്തു. സംസ്ഥാന പ്രസിഡന്റ് സി.എച്ച് പ്രദീപൻ അദ്ധ്യക്ഷനായി. ട്രേഡ് യൂനിയൻ നേതാക്കളായ താവം ബാലകൃഷ്ണൻ, എം.എ കരീം,​ അസോസിയേഷൻ സംസ്ഥാന ഭാരവാഹികളായ എ.വി ശശിധരൻ, കെ.സി റോയ്, അബ്ദുൽ സത്താർ, പി.കെ ഹംസ, എം.പി ഷംസുദ്ദീൻ, വാസുദേവൻ, അശോകൻ വയ്യാട്ട്, ചന്ദ്രദാസൻ, കെ. രഞ്ചിത്ത് പ്രസംഗിച്ചു.