കണ്ണൂർ: ഉന്നത വിദ്യാഭ്യാസ മേഖലയെ കലുഷിതമാക്കിയതിന്റെ പൂർണ്ണ ഉത്തരവാദി സംസ്ഥാന സർക്കാരിനാണെന്ന് ബി.ജെ.പി.ദേശീയ നിർവ്വാഹകസമിതി അംഗം പി.കെ.കൃഷ്ണദാസ് വാർത്താസമ്മേളനത്തിൽ കുറ്റപ്പെടുത്തി. മുഖ്യമന്ത്രിക്കും മന്ത്രിമാർക്കും വൈസ് ചാൻസിലർമാർക്കും സി പി.എമ്മിനും ഇക്കാര്യത്തിൽ പൂർണ ഉത്തരവാദിത്തമാണുള്ളത്.അഴിമതിയും കെടുകാര്യസ്ഥതയും ഉന്നത വിദ്യാഭ്യാസ മേഖലയുടെ കൂത്തരങ്ങായിരിക്കയാണ്. കോളേജ് അദ്ധ്യാപകർക്ക് ഏഴാം ശമ്പള കമ്മീഷന്റെ ശുപാർശ പ്രകാരം ശമ്പള വർദ്ധനവ് അനുവദിക്കാൻ കേന്ദ്ര സർക്കാർ 750 കോടി അനുവദിക്കാൻ തയ്യാറായതാണ്. മുഴുവൻ തുകയും അനുവദിക്കണമെന്ന് വാശി പിടിച്ച സംസ്ഥാനം ആവശ്യമായ രേഖകൾ നൽകാത്തതിനാൽ ആ ഫണ്ട് നഷ്ടമായി. ഉന്നത വിദ്യാഭ്യാസ മേഖലയിലെ അഴിമതി അന്വേഷിക്കണമെന്നാവശ്യപ്പെട്ട് ചാൻസലറായ ഗവർണ്ണർക്ക് പരാതി നൽകുമെന്നും കൃഷ്ണദാസ് പറഞ്ഞു