ചായ്യോത്ത് : ജനറൽ വിഭാഗത്തിൽ മോണോ ആക്ട്, ലളിത ഗാന മത്സരങ്ങളിൽ പങ്കെടുത്ത കന്നഡ ഭാഷാന്യൂനപക്ഷ വിദ്യാർത്ഥികൾക്ക് ആ ഭാഷ വഴങ്ങാത്ത ജഡ്ജിമാർക്ക് മുന്നിലുള്ള അവതരണം പ്രശ്നം സൃഷ്ടിച്ചു. മാന്വൽ പ്രകാരം ജനറൽ വിഭാഗം ലളിത ഗാനത്തിനും മോണോ ആക്ടിനും കന്നഡ ജഡ്ജിമാരെ അനുവദിക്കാനാവില്ലെന്ന് ഡി.ഡി.ഇ സി.കെ വാസു പറഞ്ഞു . കന്നഡയ്ക്ക് പ്രത്യേകം വിഭാഗം മൽസരം ഇക്കുറിയുമുണ്ട്. അതു കൊണ്ട് ജനറൽ വിഭാഗത്തിൽ കന്നഡ പെട്ടുപോയാൽ ഒന്നും ചെയ്യാൻ കഴിയില്ലെന്നും ഡി.ഡി.ഇ കൂട്ടി ചേർത്തു.
അതേസമയം മഞ്ചേശ്വരം സബ് ജില്ലയിൽ മാത്രം 25 സ്കൂളുകൾ കന്നഡ മീഡിയമാണ്. ആ വിദ്യാർത്ഥികൾക്ക് കന്നഡ മീഡിയത്തിൽ മാത്രമേ പരിപാടി അവതരിപ്പിക്കാൻ സാധിക്കുകയുള്ളുവെന്ന് എസ്.യു.പി.എസ്. കൊടല മുഗർ അദ്ധ്യാപകൻ മധു ശ്യാം പറയുന്നു. ജനറൽ വിഭാഗത്തിൽ കന്നഡ ഉപയോഗിക്കുന്നവരെ സംസ്ഥാന തലത്തിൽ എത്തിക്കാതെ എ, ബി ഗ്രേഡ് നൽകി ഒഴിവാക്കുന്നുവെന്ന പരാതിയും ഉയരുന്നുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |