കാസർകോട്: ആനവാതുക്കൽ വലിയവീട് തറവാട് വാർഷിക പൊതുയോഗവും ജനപ്രതിനിധികൾക്കുള്ള അനുമോദനവും എസ്.എസ്.എൽ.സി, പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർത്ഥികൾക്കുള്ള അവാർഡ് വിതരണവും നടന്നു. കേരള ഗ്രാമീണ ബാങ്ക് റിട്ട. റീജണൽ മാനേജർ ഡി. ദാമോദര ഉദ്ഘാടനം ചെയ്‌തു. സുരേഷ് അധ്യക്ഷത വഹിച്ചു. തളങ്കര പുലിക്കുന്ന് ശ്രീ ഭഗവതി ക്ഷേത്ര സെക്രട്ടറി ഹരീഷ് ചെന്നിക്കര, ഉദയൻ ഉദയഗിരി, മുകുന്ദൻ വിദ്യാനഗർ, ദാസൻ കണ്ടത്തിൽ, ഉഷ എന്നിവർ പ്രസംഗിച്ചു. ഗോപാലകൃഷ്ണ കുഡ്‌ലു, കെ. വസന്തി, ലളിത, അപ്പകുഞ്ഞി ചെന്നിക്കര, ടി.കെ. ജനനി, സ്മിത സുധാകര എന്നിവർ സംബഡിച്ചു. തറവാട് കമ്മിറ്റി സെക്രട്ടറി സുകുമാർ കുദ്രെപാടി സ്വാഗതവും ട്രഷറർ വിനയൻ കേളുഗുഡെ നന്ദിയും പറഞ്ഞു.