ഓയൂർ: വെളിനല്ലൂർ പാലത്തിന് നവീകരണത്തിനായി 19.8 ലക്ഷം രൂപ അനുവദിച്ചു. 1963ൽ
നിർമ്മിച്ച പാലത്തിന് നാളിതുവരെ യാതൊരുവിധ മെയിന്റനസും നടത്തിയിട്ടില്ല. ഇരു സൈഡിലും മരങ്ങൾ വളർന്ന് സൈഡ് ഭിത്തികൾ തകരുകയും പാലത്തിന്റെ തൂണിന്റെ അടിഭാഗത്ത് ബലക്ഷയം സംഭവിക്കുകയും ചെയ്തിട്ടുണ്ട് . ഇത് നിരവധിതവണ ഡിപ്പാർട്ട്മെന്റുകളിൽ അറിയിച്ചിട്ടും ഇതേവരെ ഒരു നടപടിയും ഉണ്ടായിട്ടില്ല. 61 വർഷത്തോളം പഴക്കമുള്ള പാലത്തിന്റെ ദയനീയാവസ്ഥയെക്കുറിച്ച് ഉഗ്രംകുന്ന് വാർഡ് മെമ്പർ പലതവണ അധികൃതർക്ക് നിവേദനം കൊടുത്തിട്ടുണ്ട്
ടെണ്ടർ നടപടികൾ പൂർത്തിയായാൽ ഉടൻതന്നെ പാലത്തിന്റെ നിർമ്മാണ പ്രവർത്തനങ്ങൾ തുടങ്ങുമെന്ന് പഞ്ചായത്ത് പ്രസിഡന്റ് എം.അൻസർ അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |