SignIn
Kerala Kaumudi Online
Sunday, 01 September 2024 5.10 AM IST

കാളി​ന്ദി​യായി​ കിളികൊല്ലൂർ തോട്

Increase Font Size Decrease Font Size Print Page

അറവുമാലി​ന്യങ്ങൾ ഉൾപ്പെടെ തള്ളുന്നു

കൊല്ലം: കി​ളി​കൊല്ലൂർ തോട്ടി​ൽ അറവുമാലിന്യങ്ങളടക്കം തള്ളുന്നത് പതി​വായതോടെ കോയിക്കൽ ശാസ്താനഗർ ഭാഗത്ത് നൂറോളം കുടുംബങ്ങൾ ദുരിതത്തിലായി. ദുർഗന്ധം കാരണം മൂക്കുപൊത്താതെ വയ്യാത്ത അവസ്ഥ.

പ്ലാസ്റ്റിക് മാലിന്യങ്ങളും വലിയ തോതിൽ തോട്ടിലേക്ക് തള്ളുന്നുണ്ട്. കറുത്ത നിറമായി​ വെള്ളത്തി​ന്. നഗരത്തിൽ നിന്നുൾപ്പെടെ മാലിന്യങ്ങൾ തോട്ടിലേക്ക് വലിച്ചെറിയുന്നുണ്ട്. രാത്രി കിളികൊല്ലൂർ- കടപ്പാക്കട പാലത്തിന് മുകളിൽ നിന്ന് വാഹനങ്ങളിലെത്തി മാലിന്യം വെള്ളത്തിലേക്ക് എറിയുന്നുണ്ടെന്ന് പ്രദേശവാസി​കൾ പറയുന്നു. ചെളിയും മാലി​ന്യങ്ങളും അടിഞ്ഞു കി​ടക്കുന്നതി​നാൽ തോട്ടി​ൽ ഒഴുക്കുമി​ല്ല. വീടുകളിൽ നിന്നുള്ള മാലിന്യങ്ങൾ രാത്രി സമയത്ത് ചാക്കിൽ കെട്ടി തോട്ടിൽ തള്ളുന്നത് പതിവാണ്. മഴക്കാലത്ത് അറവുമാലിന്യങ്ങളടക്കം വീടുകളിലേക്ക് ഒഴുകി​യെത്തുന്ന അവസ്ഥയാണ്.

റോഡും തോടും വേർതിരിക്കാനുള്ള സംരക്ഷണ ഭിത്തികൾ തകർന്ന നിലയിലാണ്. അതിനാൽ ശാസ്താനഗർ ഭാഗത്ത് അപകടങ്ങളും പതിവാണ്. വർഷങ്ങൾക്ക് മുൻപ് തോട്ടിലെ വെള്ളം കുളിക്കാനുൾപ്പെടെ ഉപയോഗിച്ചിരുന്നു. ആ തോടാണ് കാൽ നനയ്ക്കാൻ പോലുമാകാത്ത വി​ധം മലി​നമായത്.

പകർച്ചവ്യാധി​ ഭീഷണി​യും

കൊതുക് ശല്യം രൂക്ഷമായതോടെ പകർച്ചവ്യാധി ഭീഷണി​യുമുണ്ട്. തോട് വൃത്തിയാക്കി സംരക്ഷണ ഭിത്തി കെട്ടുകയും നിരീക്ഷണ ക്യാമറകൾ സ്ഥാപിക്കുകയും വേണമെന്നാണ് നാടി​ന്റെ ആവശ്യം. അയത്തിലിൽ നിന്ന് മങ്ങാട് കായലിലൂടെ അഷ്ടമുടി കായലിലാണ് കിളികൊല്ലൂർ തോട് പതിക്കുന്നത്. കോയിക്കൽ ഗവ. ഹയർസെക്കൻഡറി സ്കൂളും കോയിക്കൽ ശ്രീകണ്ഠൻ ശാസ്താക്ഷേത്രവും ഈ തോടിന് സമീപത്താണ്.

തോടിന്റെ ഒഴുക്ക് നിലച്ചതോടെ കെട്ടിക്കി​ടക്കുന്ന മാലിന്യത്തിൽ നിന്നു അസഹനീയമായ ദുർഗന്ധമാണ് പരക്കുന്നത്. വീട്ടിലിരുന്ന് ആഹാരം കഴിക്കാൻ കഴിയാത്ത ഗതികേടിലാണ്

സുധീർ, പ്രദേശവാസി

തോടിന്റെ നവീകരണം യുദ്ധകാലാടിസ്ഥാനത്തിൽ നടത്തി​ പരിഹാരം കാണണം. മാലിന്യം തള്ളുന്നവർക്കെതിരെ കർശന നടപടി എടുക്കണം

കുമാരൻ, പ്രദേശവാസി

തോട് വൃത്തിയാക്കിത്തുടങ്ങി. ചൂരാങ്ങൽ ഭാഗമാണ് ഇപ്പോൾ വൃത്തിയാക്കുന്നത്. ഘട്ടം ഘട്ടമായി തോട് മുഴുവൻ മാലിന്യമുക്തമാക്കി​ സംരക്ഷണഭിത്തി കെട്ടും. കൂടാതെ ചെളിയും മണ്ണും നീക്കി ആഴവും കൂട്ടും. 12 കോടിയുടെ

പുനരുജ്ജീവന പദ്ധതിയാണ് നടപ്പാക്കുന്നത്

വി.സന്തോഷ്, കൗൺസിലർ, കോയിക്കൽ വാർഡ്

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: LOCAL NEWS, KOLLAM, GENERL
KERALA KAUMUDI EPAPER
Kaumudi Salt & Pepper
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.