കൊല്ലം: ജില്ലയിൽ ഒരാഴ്ചക്കിടെ കൊവിഡ് രോഗികളുടെ എണ്ണത്തിൽ വൻ വർദ്ധന. 18,926 പേരാണ് കൊവിഡ് പോസിറ്റീവായത്. ട്രിപ്പിൾ ലോക് ഡൗൺ പ്രഖ്യാപിച്ച നാല് ജില്ലകളിലേതിന് സമാനമായ അന്തരീക്ഷമാണ് ജില്ലയിലുള്ളത്.

ഒരാഴ്ചയ്ക്കുള്ളിൽ മേയ് 17ന് മാത്രമാണ് 2000ൽ താഴെ കൊവിഡ് കേസുകൾ റിപ്പോർട്ട് ചെയ്തത്. ഈ ദിവസം പരിശോധനയുടെ എണ്ണവും കുറവായിരുന്നു. തമിഴ്നാടുമായി അതിർത്തി പങ്കിടുന്നതിനാലാണ് കഴിഞ്ഞദിവസം പുനലൂരിൽ ട്രിപ്പിൽ ലോക് ഡൗൺ പ്രഖ്യാപിച്ചത്. അവശ്യസാധനങ്ങളുമായി എത്തുന്ന ലോറി ജീവനക്കാരുമായി ഇടപഴകുന്നതിലൂടെയും രോഗം വ്യാപിക്കുന്നുണ്ട്. തലസ്ഥാന ജില്ലയുമായുള്ള സമ്പർക്കവും മറ്റൊരു കാരണമാണ്.

ഒരാഴ്ചയിലെ കൊവിഡ് വർദ്ധന

മേയ് 14: 2,992
15: 2,332
16: 2,416
17: 1,946
18: 3,323
19: 3,029

20: 2,639

''

പതിമൂന്ന് പഞ്ചായത്തുകളിൽ കടുത്ത നിയന്ത്രണം കൊണ്ടുവന്നത് കൊവിഡ് വ്യാപനം രൂക്ഷമായതിനാലാണ്. ജനങ്ങൾ നിയന്ത്രണങ്ങളോട് സഹകരിക്കണം.

ബി. അബ്ദുൽ നാസർ

ജില്ലാ കളക്ടർ