എസ്.എസ്.എൽ.സി പരീക്ഷയിൽ ജില്ലയിൽ 99.25 ശതമാനം വിജയം
കൊല്ലം: വിദ്യാർത്ഥികൾ വീട്ടിലിരുന്ന് പഠിച്ചെഴുതിയ ഇത്തവണത്തെ എസ്.എസ്.എൽ.സി പരീക്ഷയിൽ ജില്ലയിൽ 99.25 ശതമാനം വിജയം. പരീക്ഷയെഴുതിയ 30, 777 വിദ്യാർത്ഥികളിൽ 30, 547പേരും വിജയിച്ചു. 9,701 പേർ എല്ലാ വിഷയങ്ങൾക്കും എ പ്ലസ് നേടി. ഉപരിപഠനത്തിന് അർഹരായവരുടെ കണക്കിൽ ജില്ല സംസ്ഥാനത്ത് 12-ാം സ്ഥാനത്താണ്. പരീക്ഷയെഴുതിയ 15, 791 ആൺകുട്ടികളിൽ 15,641 പേർ ഉപരിപഠനത്തിന് അർഹതനേടി. 14,986 പെൺകുട്ടികളിൽ 14,906 പേർ ഉപരിപഠനത്തിന് യോഗ്യരായി. ജില്ലയുടെ ചരിത്രത്തിലെ ഏറ്റവും ഉയർന്ന വിജയശതമാനമാണ് ഇത്തവണത്തേത്. കഴിഞ്ഞ വർഷം 99.08 ശതമാനം പേരാണ് വിജയിച്ചത്.
വിദ്യാഭ്യാസ ജില്ല - പരീക്ഷ എഴുതിയവർ - ഉപരി പഠന യോഗ്യത - വിജയശതമാനം - ഫുൾ എ പ്ലസ്
കൊട്ടാരക്കര - 7716 - 7675 - 99.46 - 2754
പുനലൂർ - 6437 - 6367 - 98.91- 1933
കൊല്ലം - 16624 - 16505 - 99.28 - 5014
ആകെ പരീക്ഷ എഴുതിയത് : 30, 777
ഉപരിപഠന യോഗ്യത നേടിയത് : 30, 547
എല്ലാ വിഷയങ്ങൾക്കും എ പ്ലസ് : 9, 701
എ പ്ലസിൽ മുന്നിൽ പെൺകുട്ടികൾ
എല്ലാ വിഷയങ്ങൾക്കും എ പ്ലസ് നേടിയവരിൽ പെൺകുട്ടികളാണ് മുന്നിൽ. 6280 പെൺകുട്ടികളും 3421 ആൺകുട്ടികളുമാണ് എല്ലാ വിഷയങ്ങൾക്കും എ പ്ലസ് നേടിയത്.
എല്ലാ വിഷയങ്ങൾക്കും എ പ്ലസ്
2021: 9,701
2020: 4,279
2019: 4,012
2018: 3,361
2017: 2,050
2016: 2,391
വിജയശതമാനം
2021: 99.25 %
2020: 99.08%
2019: 98.36%
2018: 97.96%
2017: 96.9%
2016: 97.32%
139 സ്കൂളുകൾക്ക് നൂറ് മേനി വിജയം
വിജയ ശതമാനത്തിൽ ജില്ല തിളങ്ങിയപ്പോഴും നൂറ് മേനി വിജയം നേടിയ സ്കൂളുകളുടെ എണ്ണം കുറഞ്ഞു. കഴിഞ്ഞ വർഷം 144 സ്കൂളുകൾ നൂറുമേനി നേടിയപ്പോൾ ഇത്തവണ 139 സ്കൂളുകളിലാണ് പരീക്ഷ എഴുതിയ എല്ലാ വിദ്യാർത്ഥികളും വിജയിച്ചത്.
മേഖല, 2020, 2021
സർക്കാർ: 48, 47
എയ്ഡഡ്: 78, 72
അൺ എയ്ഡഡ്: 18,20
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |