പരവൂർ: സംസ്ഥാന വ്യവസായ വകുപ്പിന്റെ 'ഒരു വർഷം ഒരു ലക്ഷം സംരംഭങ്ങൾ' പദ്ധതിയുടെ ഭാഗമായുള്ള ബോധവത്കരണ പരിപാടി ജില്ലാ വ്യവസായ കേന്ദ്രത്തിന്റെയും പരവൂർ നഗരസഭയുടെയും ആഭിമുഖ്യത്തിൽ 30ന് ഉച്ചയ്ക്ക് ശേഷം 2 ന് പരവൂർ മുനിസിപ്പൽ കോൺഫറൻസ് ഹാളിൽ നടക്കും. സംരംഭകർക്ക് എങ്ങനെ ബാങ്ക്ലോണുകൾ പെട്ടെന്ന് ലഭ്യമാകും,​ വിജയകരമായി എങ്ങനെ സംരംഭം തുടങ്ങാം,​ സബ്സിഡിയോട് കൂടി ലോൺ ലഭ്യമാകുന്ന സർക്കാർ പദ്ധതികൾ ഏതൊക്കെ,​ മുനിസിപ്പൽ പദ്ധതികൾ ഏതൊക്കെ എന്നിവയെക്കുറിച്ച് ക്ലാസ് നടക്കും. ജി.എസ്.ജയലാൽ എം.എൽ.എ ഉദ്‌ഘാടനം ചെയ്യുന്ന യോഗത്തിൽ മുനിസിപ്പൽ ചെയർപേഴ്സൻ പി.ശ്രീജ അദ്ധ്യക്ഷത വഹിക്കും. വൈസ്ചെയർമാൻ എ.സഫർ കയാൽ സ്വാഗതം പറയും. വിശദവിവരങ്ങൾക്കും രജിസ്ട്രേഷനും ഫോൺ: 9188127039, 9633450756.