കൊല്ലം: ചവറ ഇന്ത്യൻ ഇൻസ്റ്റിറ്റ്യൂട്ട് ഒഫ് ഇൻഫ്രാസ്ട്രക്ച്ചർ ആൻഡ് കൺസ്ട്രക്ഷനിൽ (ഐ.ഐ.ഐ.സി) അടിസ്ഥാന സൗകര്യ വികസന പദ്ധതികൾ ഡിജിറ്റൽ പരിവർത്തനത്തിലേക്ക് എന്ന വിഷയത്തിൽ ഇന്ന് രാവിലെ 9.30ന് ഏകദിന ശില്പശാല നടക്കും. കേരള ഡിജിറ്റൽ യൂണിവേഴ്സിറ്റി വൈസ് ചാൻസിലർ ഡോ. സജി ഗോപിനാഥ് ഉദ്ഘാടനം ചെയ്യും. ഊരാളുങ്കൽ ലേബർ കൺസ്ട്രക്ഷൻ സൊസൈറ്റി ചെയർമാൻ രമേശൻ പാലേരി അദ്ധ്യക്ഷനാകും. നിർമ്മാണ രംഗത്തെ വിദഗ്ദ്ധർ, സാങ്കേതിക വിദ്യാഭ്യാസമേഖലയിലെ അദ്ധ്യാപകർ, വിദ്യാർത്ഥികൾ എന്നിവർ പങ്കെടുക്കും. നിർമ്മാണ രംഗത്തെ അതിനൂതന ഡിജിറ്റൽ സാങ്കേതിക വിദ്യയായ ബിൽഡിംഗ് ഇൻഫർമേഷൻ മോഡലിംഗ് വിശദീകരിക്കുന്ന ശില്പശാല വിദഗ്ദ്ധ സംഘമായ ബെക്സൽ കൺസൾട്ടൻസിയുമായി സഹകരിച്ചാണ് നടത്തുന്നതെന്ന് ഐ.ഐ.ഐ.സി ഡയറക്ടർ പ്രൊഫ. ബി.സുനിൽകുമാർ, ഡെ. ഡയറക്ടർ കെ. രാഘവൻ എന്നിവർ പത്ര സമ്മേളനത്തിൽ അറിയിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |