SignIn
Kerala Kaumudi Online
Sunday, 01 September 2024 4.44 AM IST

മുണ്ടക്കയത്ത് മറുകരയെത്തണേൽ ദുരിതം.... നടവര മാഞ്ഞു, തലവര മാറും

Increase Font Size Decrease Font Size Print Page
zebraa

മുണ്ടക്കയം : തിരക്കേറിയ ഈ ടാണിൽ യാത്രക്കാർ എങ്ങനെ റോഡ് മുറിച്ചുകടക്കും? ശരിക്കും പെട്ടുപോകും എന്നതാണ് അവസ്ഥ. ഒരുമാസത്തിനിടെ നടന്നത് പത്ത് അപകടങ്ങൾ. മുണ്ടക്കയം ടൗണിലെ സീബ്രാലൈനുകൾ മാഞ്ഞതാണ് യാത്രക്കാരെ ഭീതിയിലാഴ്ത്തുന്നത്.

മൂന്ന് പേരെയാണ് റോഡ് കുറുകെ കടക്കുന്നതിനിടെ വാഹനം ഇടിച്ച് തെറിപ്പിച്ചത്. മുണ്ടക്കയം സ്റ്റാൻഡിനും കൂട്ടിക്കൽ കവലക്കുമിടയിലുള്ള ഭാഗത്താണ് അപകട സാദ്ധ്യതയേറെ. കഴിഞ്ഞ ദിവസം വ്യാപാര സ്ഥാപനത്തിലെ ജീവനക്കാരനെ അമിതവേഗത്തിലെത്തിയ കാറിടിച്ചിട്ട് നിറുത്താതെ പോയി. ഈ ഭാഗത്ത് ടൈൽപാകിയതോടെയാണ് സീബ്രാലൈനുകൾ അപ്രത്യക്ഷമായത്.

വഴിപരിചയമില്ലാത്ത വാഹനങ്ങൾ അമിതവേഗത്തിൽ എത്തുമ്പോൾ റോഡ് കുറുകെ കടക്കുന്ന യാത്രക്കാർ റോഡിന്റെ മദ്ധ്യഭാഗത്ത് കുടുങ്ങും. ദിവസേന വിദ്യാർത്ഥികൾ ഉൾപ്പെടെ നിരവധി യാത്രക്കാരാണ് ദേശീയപാത മുറിച്ചുകടക്കുന്നത്.

പരിഹാരമുണ്ട്, മനസുവയ്ക്കണം

കൂട്ടിക്കൽ റോഡ് ജംഗ്ഷനിൽ സീബ്രാലൈനുകൾ സ്ഥാപിച്ചാൽ ഒരു പരിധിവരെ അപകടമൊഴിവാക്കാം. ബസ് സ്റ്റാൻഡിലെ അപകടങ്ങൾ ഒഴിവാക്കുന്നതിനും ഗതാഗതക്കുരുക്ക് പരിഹരിക്കുന്നതിനും വർഷങ്ങൾക്കു മുമ്പ് പ്രഖ്യാപിച്ച ഗതാഗത പരിഷ്‌കരണങ്ങളും നടപ്പായില്ല. ബസുകൾ ഇറങ്ങി വരുന്ന പാതയിൽ നിറുത്തിയിടരുത്,​ ദേശീയപാതയിൽ പ്രവേശിച്ച് കഴിഞ്ഞാൽ പിന്നെ പെട്രോൾ പമ്പ് കവലയിൽ അല്ലാതെ ഇടയ്ക്ക് നിറുത്തരുത് തുടങ്ങിയ നിർദ്ദേശങ്ങളും പാളി.

''കൂടുതൽ അപകടങ്ങൾക്ക് കാത്തുനിൽക്കാതെ കാൽനടയാത്രക്കാർക്ക് സുഗമമായി സഞ്ചരിക്കാൻ സൗകര്യം ഒരുക്കണം.

സുരേഷ്, യാത്രക്കാരൻ

ഒരുമാസം : 10 അപകടം

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: LOCAL NEWS, KOTTAYAM
KERALA KAUMUDI EPAPER
Kaumudi Salt & Pepper
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.