കോട്ടയം : കൊവിഡ് പ്രതിസന്ധി മൂലം ബുദ്ധിമുട്ടുന്ന ജില്ലയിലെ പട്ടികവർഗ കുടുംബങ്ങൾക്ക് ആശ്വാസമായി സ്പെഷ്യൽ കിറ്റ്. പട്ടികവർഗ വികസന വകുപ്പിന്റെ ഭക്ഷ്യ സഹായ പദ്ധതി പ്രകാരം 2600 കുടുംബങ്ങൾക്കാണ് ഭക്ഷ്യകിറ്റ് നൽകുന്നത്. പൊതുവിതരണ വകുപ്പ് നൽകുന്ന ഭക്ഷ്യധാന്യങ്ങൾക്കു പുറമേയാണിത്. ചികിത്സാ ധനസഹായമായി ഈ സാമ്പത്തിക വർഷം 96 പേർക്കായി 3.73 ലക്ഷം രൂപയും വിതരണം ചെയ്തു. പട്ടികവർഗവിഭാഗത്തിൽപ്പെട്ട മുഴുവൻ വിദ്യാർത്ഥികൾക്കും ലാപ്ടോപ്പ് നൽകുന്നതിനുള്ള നടപടികൾ പുരോഗമിക്കുകയാണ്. വാക്സിൻ നൽകുന്നതിനായി 48 സ്പെഷ്യൽ ക്യാമ്പുകളും സംഘടിപ്പിച്ചെന്ന് ഐ.ടി.ഡി.പി ഓഫീസർ സി.വിനോദ് കുമാർ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |