പെരുമ്പിള്ളിച്ചിറ : പെരുമ്പിള്ളിച്ചിറ സെന്റ് ജോസഫ്സ് യു.പി സ്‌കൂളിന്റെയും തൊടുപുഴ വൈ.ഡബ്ല്യു.സി.എയുടെയും ആഭിമുഖ്യത്തിൽ കരുതൽ പദ്ധതിയുടെ ഭാഗമായി ഓണക്കിറ്റ് വിതരണം നടത്തി . മൂന്ന് കിലോയുള്ള 15 ഇനം പച്ചക്കറികളാണ് വിതരണം നടത്തിയത്. ഇതോടൊപ്പം വൈ.ഡബ്ല്യു.സി.എ സ്‌പോൺസർ ചെയ്യുന്ന പഠനോപകരണ വിതരണവും നടന്നു. ഈ വർഷം സ്‌കൂളിലേക്ക് മൂന്ന് മൊബൈൽ ഫോണുകളാണ് സംഘടന നൽകിയത്. സ്‌കൂൾ മാനേജർ ഫാ. ജോൺസൻ ഒറോപ്ലാക്കൽ അദ്ധ്യക്ഷത വഹിച്ചു. തൊടുപുഴ ബ്ലോക്ക് പഞ്ചായത്ത് പ്രസിഡന്റ് ട്രീസ ജോസ് ഓണക്കിറ്റ് വിതരണം ഉദ്ഘാടനം ചെയ്തു.