കോട്ടയം: പരിസ്ഥിതിയാഘാത പഠനം പോലും നടത്താതെ ലാഭാക്കൊതിമൂത്ത് ഇടതു സർക്കാർ നടപ്പാക്കാൻ ശ്രമിക്കുന്ന സിൽവർ ലൈൻ റെയിൽ പദ്ധതി ഉപേക്ഷിക്കണമെന്ന് തിരുവഞ്ചൂർ രാധാകൃഷ്ണൻ എം.എൽ. എ ആവശ്യപ്പെട്ടു. യു.ഡി.എഫ് ജില്ലാ നേതൃയോഗം ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ ചെയർമാൻ സജി മഞ്ഞക്കടമ്പിൽ അദ്ധ്യക്ഷത വഹിച്ചു. കെ.സി.ജോസഫ് , ജോയി എബ്രഹാം, ജോസഫ് വാഴക്കൻ,ജോസി സെബാസ്റ്റ്യൻ, പി.എ.സലിം, ജോഷി ഫിലിപ്പ്, വി.ജെ.ലാലി, പി.ആർ. സോന, ഗ്രേസമ്മ മാത്യു, ഫിലിപ്പ് ജോസഫ്, എന്നിവർ പ്രസംഗിച്ചു. പദ്ധതി നിറുത്തി വയ്ക്കണമെന്ന് ആവശ്യപ്പെട്ട് 18ന് കളക്ടറേറിലേയ്ക്ക് യു.ഡി.എഫ് പ്രതിഷേധ മാർച്ച് നടത്തും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |